శబరిమల అయ్యప్ప ఆలయం మూసివేత

కేరళలోని శబరిమల (Sabarimala) అయ్యప్ప ఆలయాన్ని అధికారులు మూసివేశారు. మండలపూజ, మకర విళక్కు వార్షిక పూజలు ముగియడంతో సోమవారం ఉదయం ఆలయాన్ని మూసివేసినట్లు ట్రావెన్‌కోర్ దేవస్వమ్ బోర్డు (TDB) వెల్లడించింది. పందలం రాజకుటుంబ ప్రతినిధి త్రికేత్తనాల్ రాజరాజ వర్మ అయ్యప్ప దర్శనం చేసుకున్న తర్వాత ఇవాళ ఉదయం 6.30 గంటలకు ఆలయాన్ని మూసివేసినట్లు చెప్పింది.  ఈ సీజన్‌లో 53 లక్షల మందికిపైగా భక్తులు అయ్యప్ప స్వామిని దర్శించుకున్నట్లు బోర్డు ప్రకటించింది.

53 లక్షల మంది భక్తులు

రెండు నెలల పాటు జరిగే మండల-మకర విళక్కు వార్షిక పూజల కోసం నవంబర్‌ 15వ తేదీన అయ్యప్ప ఆలయాన్ని (Sabarimala Ayyappa Temple) తెరిచిన విషయం తెలిసిందే. మండల పూజ అనంతరం డిసెంబర్‌ 26వ తేదీన గుడిని మూసివేసి.. నాలుగు రోజుల విరామం తర్వాత డిసెంబర్‌ 30వ తేదీన మళ్లీ తెరిచారు. ఈ సీజన్ లో రోజుకు లక్షలాది మంది భక్తులు అయ్యప్పను దర్శించుకున్నట్లు బోర్డు అధికారులు తెలిపారు. మొత్తం 53 లక్షల మందికిపైగా భక్తులు అయ్యప్పను దర్శించుకున్నట్లు వెల్లడించారు.

అయ్యప్ప ఆలయం మూసివేత

సోమవారం ఉదయం 5 గంటలకు ఆలయాన్ని తెరిచి, తూర్పు మండపంలో గణపతి హోమం చేసినట్లు ఆలయ పూజారులు తెలిపారు. మేల్శాంతి అరుణ్ కుమార్ నంబూద్రి అయ్యప్ప విగ్రహానికి విభూతాభిషేకం చేసి..రుద్రాక్షలతో అలంకరించారని చెప్పారు.  ‘హరివరాసనం (Harivaraasanam)’ పారాయణం తర్వాత మేల్శాంతి ఆలయ దీపాలను ఆర్పి గర్భగుడిని అధికారికంగా మూసివేసి ఆలయ తాళాలను రాజకుటుంబ సభ్యుడికి అప్పగించామని వెల్లడించారు.

Goosebumps to see the immense faith, emotion, and devotion of Ayyappa’s devotees as they climb the sacred steps of Sabarimala to seek His divine blessings…! 🔥
Swamiye Sharanam Ayyappa…! 🚩 pic.twitter.com/SgLHOj1LVd

— Sumita Shrivastava (@Sumita327) January 9, 2025