admin
టాలీవుడ్ యంగ్ హీరో రాజ్ తరుణ్ (Raj Tarun) మాజీ ప్రేయసి లావణ్య (Lavanya) వివాదం గతంలో టాలీవుడ్ లో హాట్ టాపిక్ గా నిలిచిన విషయం తెలిసిందే. అయితే ఈ కేసులో మస్తాన్ సాయి అనే యూట్యూబర్ తెరపైకి వచ్చాడు. అతడిపై లావణ్య ఫిర్యాదు చేయడంతో పోలీసులు కేసు నమోదు చేశారు. అతడి వద్ద హార్డు డిస్కును లావణ్య పోలీసులకు సమర్పించగా అందులో వీడియోలు, ఫొటోలు చూసి పోలీసులు షాక్ అయ్యారు. మహిళలు, యువతులకు డ్రగ్స్ ఇచ్చి వారిపై లైంగిక దాడికి పడినట్లు లావణ్య ఫిర్యాదులో పేర్కొంది.
మస్తాన్ పార్టీల్లో డ్రగ్స్
ఇక పోలీసులు కూడా హార్డ్ డిస్కులో లభించిన వీడియోలు, ఫొటోల ఆధారంగా మస్తాన్ సాయి (Mastan Sai) పార్టీల్లో డ్రగ్స్ వాడకం జరిగిందని నిర్ధారించారు. ఈ కేసులో మస్తాన్ సాయిని పోలీసులు అరెస్టు చేసి రిమాండ్ కు తరలించగా కోర్టు మూడు రోజుల కస్టడీకి అనుమతించింది. దీంతో నార్సింగి పోలీసులు అతడిని కస్టడీలోకి తీసుకుని విచారించగా విస్తుపోయే విషయాలు వెలుగులోకి వస్తున్నాయి. ఈ కేసులో డ్రగ్స్ బయటపడటంతో నార్కోటిక్ పోలీసులు కూడా రంగంలోకి దిగిన‌ట్లు తెలిసింది.
నా లైఫ్ నాశనం చేశాడు
మరోవైపు మస్తాన్ సాయి (Mastan Sai Case Update) వల్ల ఎంతో మంది జీవితాలు నాశనం అయ్యాయని, తన లైఫ్ కూడా అతడు నాశనం చేశాడని లావణ్య పోలీసుల ఎదుట వాపోయింది. ఇక తాజాగా ఓ ఇంటర్వ్యూలో ఈ కేసు గురించి మాట్లాడుతూ తన మాజీ బాయ్ ఫ్రెండ్, హీరో రాజ్ తరుణ్ కు సారీ చెప్పాలని అనుకుంటున్నట్లు చెప్పింది. అతడి ఇక్కడే ఉంటే కాళ్లు పట్టుకుని క్షమించమని వేడుకునేదాన్ని అని పేర్కొంది. ‘ఏ అమ్మాయికి ఇలాంటి పరిస్థితి రాకూడదు. రాజ్ తో నేను చాలా సంతోషంగా ఉండేదాన్ని. మస్తాన్ వచ్చినప్పటి నుంచే మా మధ్య గొడవలు మొదలయ్యాయి.’ అంటూ లావణ్య ఆ ఇంటర్వ్యూలో చెప్పుకొచ్చింది.
Desk
swarna boddula
