admin
అంతరిక్షం(The Space) అద్భుతాలతో నిండి ఉంటుంది. ప్రతి కొత్త అన్వేషణ(Innovations), కొత్త విషయాలు, రహస్యాలతో ఆశ్చర్యపరుస్తూనే ఉంటాయి. నక్షత్రాలు(Stars), గ్రహాలు, గెలాక్సీలు ఇవన్నీ విశ్వంలోని అద్భుతాలే. ఇక మరికొన్ని రోజుల్లో ఖగోళ అద్భుతం జరగనుంది. ఫిబ్రవరి 28, 2025న ఖగోళ ప్రేమికులు ఓ అరుదైన దృశ్యాన్ని చూడబోతున్నారు. అంతరిక్షంలో ఏడు గ్రహాల పరేడ్ (Seven-Planet Parade) అనే అద్భుత ఘట్టం ఆవిష్కృతం కానుంది.
2022లో ఐదు గ్రహాలు ఒకే వరుసలో..
ఈ రోజు నాడు సౌరమండలం(In the solar system)లోని ఏడు గ్రహాలు.. శుక్రుడు, అంగారకుడు, బృహస్పతి, శని, యురేనస్, నెప్ట్యూన్, బుధ గ్రహాలన్నీ ఒకే లైన్(Same Line)లో దర్శనమివ్వనున్నాయి. భారత్, అమెరికా, మెక్సికో, కెనడా ప్రజలకు ఈ అద్భుతం కనువిందు చేయనుంది. ఈ వింతని టెలిస్కోప్(Telescope) లేకుండానే చూడొచ్చు. వీటిని భూమి నుంచి చూసినప్పుడు ఒకే సరళ రేఖపై ఉన్నట్లు కనపడతాయి. 2022లో ఐదు గ్రహాలు ఒకే వరుసలో కనిపించాయి. కానీ ఏడు గ్రహాలు ఇలా ఒకేసారి ఒకే రేఖలో కనిపించడం చాలా అరుదు.
టెలిస్కోప్తో ఈ గ్రహాలను మరింత స్పష్టంగా చూడొచ్చు..
అయితే ఇలాంటి గ్రహ సముదాయం(Planetary complex) ఒకే సరళ రేఖపై మళ్లీ 2040లోనే కనిపిస్తుంది. కాకపోతే ఐదు గ్రహాలే కనిపిస్తాయట. ఇలా ఏడు గ్రహాలు ఇలా కనిపించేందుకు మరికొన్ని దశాబ్దాలు పట్టొచ్చు అంటున్నారు శాస్త్రవేత్తలు(Scientists). అందుకే ఈ అవకాశాన్ని ఎవరూ మిస్ చేసుకోవద్దని సూచిస్తున్నారు. కొండలు లేదా బహిరంగ ప్రదేశాలు, తక్కువ కాంతి ఉండే ప్రాంతాల నుంచి వీటిని చూడొచ్చు. టెలిస్కోప్ ఉంటే ఈ గ్రహాలను మరింత స్పష్టంగా చూడటానికి ఉపయోగపడుతుందని శాస్త్రవేత్తలు అంటున్నారు.
Desk
swarna boddula
