చిన్నారుల ఆధార్ కార్డుపై కేంద్రం అలెర్ట్..

భారత ప్రభుత్వం చిన్నారుల కోసం ప్రత్యేకంగా జారీ చేసే బాల ఆధార్‌ కార్డు( Children’s Aadhaar Cards) గురించి మనందరికీ తెలిసిందే. పుట్టిన వెంటనే పేరుతో పాటు ఫోటో ఆధారంగా జారీ చేసే ఈ కార్డు, పిల్లలు ఐదేళ్ల వయస్సు దాటిన తర్వాత తప్పనిసరిగా అప్‌డేట్ చేయాల్సిన అవసరం ఉందని యూఐడీఏఐ (UIDAI) తాజాగా స్పష్టమైన సూచనలు జారీ చేసింది.

5 ఏళ్లు పూర్తైన వెంటనే అప్‌డేట్ చేయాల్సిందే

పిల్లలు ఐదేళ్లు పూర్తి చేసుకున్న వెంటనే వారి వేలిముద్రలు (Fingerprints), కనుపాపల స్కాన్ (Iris Scan) మరియు తాజా ఫోటోను ఆధార్ డేటాలో అప్‌డేట్ చేయాలని UIDAI సూచించింది. ఈ అప్‌డేట్ లేకపోతే బాల ఆధార్ చెల్లుబాటు కాకపోవచ్చు, లేదా రద్దయ్యే ప్రమాదం కూడా ఉంటుంది.

7 ఏళ్లు దాటినా అప్‌డేట్ చేయకపోతే..?

UIDAI ప్రకారం, ఏడు ఏళ్లు దాటిన పిల్లలకు బాల ఆధార్ అప్‌డేట్ చేయకపోతే, ఆ ఆధార్ వ్యవస్థలో చెల్లుబాటు కాకుండా మారుతుంది. అందుకే పేరెంట్స్ తప్పక ఈ విషయాన్ని గుర్తించి, సమయానికి అప్‌డేట్ చేయాలి.

ఫోన్‌కు అలర్ట్ మెసేజ్‌లు వస్తాయి

బాల ఆధార్ తీసుకున్నప్పుడు నమోదు చేసిన మొబైల్ నంబర్‌కు, UIDAI నుంచి అప్‌డేట్ అలర్ట్ మెసేజ్‌లు వస్తాయి. ఈ మెసేజ్‌లను పట్టించుకోకుండా వదిలేస్తే, భవిష్యత్తులో ఆధార్‌తో సంబంధిత సేవల్లో ఇబ్బందులు తలెత్తవచ్చు.

అప్‌డేట్ ఫీజు వివరాలు

5–7 ఏళ్లలోపు పిల్లల కోసం అప్‌డేట్ పూర్తిగా ఉచితం.

7 ఏళ్లు దాటిన తర్వాత అప్‌డేట్ చేసుకుంటే రూ.100 ఫీజు చెల్లించాల్సి ఉంటుంది.