Desk
అమెరికా(America)కు చెందిన దిగ్గజ ఎలక్ట్రిక్ ఆటోమొబైల్ సంస్థ టెస్లా(Tesla)కు ఫ్లోరిడా కోర్టు(Florida Court) భారీ జరిమానా విధించింది. 2019లో జరిగిన రోడ్డు ప్రమాదం కేసు(Road accident case)లో టెస్లా కారులోని ఆటో పైలట్ వ్యవస్థ(Autopilot system) లోపం వల్లే ప్రమాదం జరిగిందని ఫ్లోరిడా కోర్టు తేల్చింది. దీంతో బాధిత కుటుంబానికి 242 మిలియన్ డాలర్ల పరిహారం (భారత కరెన్సీ ప్రకారం దాదాపు రూ.2,100 కోట్లు) చెల్లించాలని సదరు కంపెనీని కోర్టు ఆదేశించింది. కేసు వివరాల్లోకి వెళితే.. ఫ్లోరిడాలోని మయామి ఫెడరల్ కోర్టు, టెస్లా కంపెనీకి 2019లో జరిగిన ఒక ప్రమాదకర కారు ప్రమాదంలో దాని ఆటోపైలట్ టెక్నాలజీ భాగస్వామ్యం ఉందని తీర్పు ఇచ్చింది. ఈ ప్రమాదంలో 22 ఏళ్ల నైబెల్ బెనవిడెస్ లియోన్ మరణించగా, ఆమె స్నేహితుడు డిల్లాన్ తీవ్రంగా గాయపడ్డాడు.
కేవలం హైవేలపై తిరిగేందుకే అనుమతి
ఈ కేసులో టెస్లాకు 33% బాధ్యత వహించాలని, డ్రైవర్ జార్జ్ మెక్గీ 67% బాధ్యత వహించాలని జ్యూరీ తీర్పు ఇచ్చింది. కోర్టు టెస్లాకు భారీ జరిమానా విధించింది. ఇందులో 129 మిలియన్ డాలర్లు నష్టపరిహార డ్యామేజీలు, 200 మిలియన్ డాలర్లు పనిష్మెంట్ డ్యామేజీలుగా ఉన్నాయి. టెస్లా ఆటోపైలట్ సాఫ్ట్వేర్ను హైవేలకు మాత్రమే రూపొందించినప్పటికీ, దాన్ని ఇతర రోడ్లపై ఉపయోగించడానికి అనుమతించడం, దాని సామర్థ్యాలను అతిగా ప్రచారం చేయడం వల్ల డ్రైవర్లు అతిగా నమ్మకం పెట్టుకున్నారని బాధితుల తరపు న్యాయవాదులు వాదించారు.
సెల్ఫోన్ కోసం వెతుకుతూ..
ఈ ప్రమాదంలో డ్రైవర్ మెక్గీ తన సెల్ఫోన్ కోసం వెతుకుతూ దృష్టి మరల్చడం వల్ల ఆటోపైలట్ బ్రేక్లు వేయలేదని, ఇది ప్రమాదానికి దారితీసిందని కోర్టు గుర్తించింది. టెస్లా ఈ తీర్పును అప్పీల్ చేస్తామని ప్రకటించింది, ఈ జరిమానా ఆటోమోటివ్ సేఫ్టీకి ఆటంకం కలిగిస్తుందని వాదించింది. ఈ తీర్పు టెస్లా ఆటోపైలట్ టెక్నాలజీపై ఉన్న విశ్వాసాన్ని ప్రభావితం చేయవచ్చని, భవిష్యత్తులో ఇలాంటి కేసులకు దారితీయవచ్చని నిపుణులు అభిప్రాయపడుతున్నారు.
Tesla’s Autopilot technology held partially liable for a 2019 fatal crash
Fined $243 million by a Florida court (out of $329M)…$TSLAhttps://t.co/W0XPkFO0ts
— Tesla Oracle (@TeslaOracle_com) August 2, 2025
swarna boddula
admin
