గద్దర్ అవార్డులు.. మార్చి 13 నుంచి దరఖాస్తుల స్వీకరణ

‘అమ్మా తెలంగాణమా ఆకలి కేకల గానమా’… ‘పొడుస్తున్న పొద్దుమీద నడుస్తున్న కాలమా.. పోరు తెలంగాణమా’..అంటూ తెలంగాణ మలిదశ ఉద్యమంలో యువతకు తిరుగుబాటు నేర్పిన తెలంగాణ ఉద్యమ నేత, కవి, గాయకుడు, విప్లవ కార్యకర్త గుమ్మడి విఠల్ రావు (Gummadi Vital Rao) అదేనండి గద్దర్ గురించి తెలియని తెలంగాణ వాసి ఉండరు. ఆయన చేసిన సేవలకు గుర్తుగా రాష్ట్ర ప్రభుత్వం గద్దర్ పేరిట పురస్కారాలు అందజేయాలని నిర్ణయించింది. ఈ నేపథ్యంలో తాజాగా గద్దర్ సినీ అవార్డులకు తెలంగాణ చలన చిత్ర అభివృద్ధి సంస్థ ( తెలంగాణ ఫిలిం డెవలప్మెంట్ కార్పొరేషన్) ఎంట్రీలను ఆహ్వానించింది.

గద్దర్ (Gaddar Awards 2025) తెలంగాణ చలన చిత్ర అవార్డులకు సంబంధించిన విధివిధానాలు ఖరారు చేస్తూ తాజాగా రేవంత్ సర్కార్ ఉత్తర్వులు జారీ చేసింది. మరోవైపు తెలంగాణ చిత్ర పరిశ్రమకు విశేష సేవలందించిన పైడి జయరాజ్, కాంతారావు పేర్లపై ప్రత్యేక అవార్డులు ఇవ్వాలని ముఖ్యమంత్రి నిర్ణయించారు. 2014 నుంచి 2023 వరకూ ఒక్కో ఏడాదికి ఉత్తమ చలన చిత్రానికి అవార్డు ఇవ్వాలని సంకల్పించారు. మార్చి 13వ తేదీ నుంచి ఈ పురస్కారాల కోసం దరఖాస్తులను స్వీకరించనుంది.

అవార్డులు.. కేటగిరీలు