admin
జమ్మూకశ్మీర్‌లోని పహల్గాం (Pahalgam Terror attack)లో మంగళవారం రోజున పర్యటకులపై ఉగ్రవాదులు తెగబడ్డారు. ప్రకృతి అందాలను చూసి పరవశిస్తోన్న పర్యటకులపై సైనిక దుస్తుల్లో వచ్చిన టెర్రరిస్టులు పాశవికంగా దాడి చేశారు. ఈ ఘటనలో ఇప్పటివరకు 28 మందిని పొట్టన పెట్టకున్నారు. ఈ పెనువిషాదాన్ని యావత్ భారతావని ఖండిస్తోంది. ఇది ఉగ్రవాదుల పిరికిపంద చర్యగా అభివర్ణిస్తోంది. ఈ ఘటనపై పలువురు సినీప్రముఖులు స్పందిస్తున్నారు.
The ghastly attack killing 26 innocent people and tourists in Pahalgam, Jammu & Kashmir is horrifying and heartbreaking. It is an unpardonable act of cruelty.
My heart goes out to the families of those killed. Nothing can undo the loss they suffered. My condolences and prayers…
— Chiranjeevi Konidela (@KChiruTweets) April 23, 2025
ఇదో క్రూరమైన చర్య
ఉగ్రదాడి ఘటనపై స్పందించిన మెగాస్టార్ చిరంజీవి (Chiranjeevi).. 28 మంది అమాయకులను బలిగొన్న దారుణమైన ఈ దాడి హృదయ విదారకమైనదని అన్నారు. ఇది క్షమించరాని క్రూరమైన చర్యగా అభివర్ణించిన ఆయన.. మరణించిన వారి కుటుంబాలకు సానుభూతి తెలియజేశారు. మరోవైపు ఈ పెనువిషాదంపై ఎన్టీఆర్ (NTR On Terror Attack) స్పందించారు. బాధితులను చూస్తుంటే తన గుండె బరువెక్కుతోందని ఆవేదన చెందారు. మృతుల కుటుంబాలకు ప్రగాఢ సానుభూతి తెలియజేశారు.
Heart goes out to the victims of the #Pahalgam attack. My thoughts are with their families. Praying for peace and justice.
— Jr NTR (@tarak9999) April 23, 2025
ప్రతీకారం తీర్చుకోవాల్సిందే
ఇది క్షమించరాని చర్య అని బాలీవుడ్ నటుడు సంజయ్ దత్ (Sanjay Dutt) అన్నారు. ఈ ఉగ్ర చర్యపై అందరూ మౌనం వీడాలని.. వారిపై ప్రతీకారం తీర్చుకోవాలని పేర్కొన్నారు. మరో నటుడు అక్షయ్ కుమార్ స్పందిస్తూ.. ఈ దాడి భయంకరమైనదని.. అమాయకులను చంపడం చాలా దారుణమని అన్నారు. మృతుల కుటుంబాల కోసం ప్రార్థిస్తున్నానని తెలిపారు. టెర్రర్ అటాక్ ను నటి జాన్వీ కపూర్ (Janhvi Kapoor) ఖండించింది. సైనిక దుస్తుల్లో వచ్చి కాల్పులు జరపడం అన్యాయం అని పేర్కొంది. ఇలాంటి అనాగరిక చర్యల వల్ల వచ్చే కోపాన్ని అణచివేయలేకపోతున్నానని.. ప్రాణాలు కోల్పోయిన వారి కుటుంబాల కోసం ప్రార్థిస్తున్నానని తెలిపింది.
They killed our people in cold blood. This can’t be forgiven, these terrorists need to know we are not staying quiet. We need to retaliate, I request our Prime Minister @narendramodi ji, Home Minister @AmitShah ji and Defence Minister @rajnathsingh ji to give them what they…
— Sanjay Dutt (@duttsanjay) April 22, 2025
ఇదో పిరికిపంద ఉగ్రవాద చర్య
ఇక ఈ ఘటనపై అల్లు అర్జున్ (Allu Arjun) స్పందిస్తూ ఎంతో అందమైన పహల్గాంలో జరిగిన పాశవిక దాడి గురించి తెలిసి తన గుండె బరువెక్కిందని అన్నారు. బాధిత కుటుంబాలకు తన సానుభూతి తెలియజేశారు. మరోవైపు నటుడు సోనూసూద్ (Sonu Sood) స్పందిస్తూ.. అమాయక పర్యటకులపై జరిగిన పిరికిపంద ఉగ్రవాద దాడిని తీవ్రంగా ఖండించారు. నాగరిక ప్రపంచంలో ఉగ్రవాదానికి చోటు ఉండకూడదని.. ఈ దుర్మార్గపు చర్య ఎంతమాత్రం ఆమోదయోగ్యం కాదని తెలిపారు.
Soo heart broken by #Pahalgam Attack . Such a beautiful place with kind hearted people . Condolences to all the families, near and dear of the victims. May their innocent souls rest in peace . Truly Heart breaking
— Allu Arjun (@alluarjun) April 23, 2025
Desk
