Mahesh
పవర్ స్టార్ పవన్ కళ్యాణ్(Pawan Kalyan), క్రిష్ జాగర్లమూడి, జ్యోతికృష్ణ కాంబోలో తెరకెక్కుతోన్న మూవీ ‘హరిహర వీరమల్లు(Harihara Veeramallu)’. అనివార్య కారణాలుగా చాలా రోజులుగా ఈ మూవీపై ఎలాంటి అప్డేట్స్ రాలేదు. ఇటీవల ఈ చిత్రం నుంచి ఫస్ట్ సింగిల్(First Single) విడుదలైన ‘మాట వినాలి.. గురుడా మాట వినాలి’, ‘కొల్లగొట్టిందిరో’ అనే పాటలు రిలీజ్ అవగా.. అభిమానుల్లో ఫుల్ జోష్ నింపాయి. దీంతో ఈ సినిమాపై ఫ్యాన్స్‌లో ఫుల్ క్రేజ్ ఏర్పడింది. ఈ నేపథ్యంలో ఈ మూవీ రిలీజ్ తేదీని మార్చుతూ మేకర్స్ తాజాగా అప్డేట్ ఇచ్చారు.
హోలీ సందర్భంగా పోస్టర్.. 7 గుర్రాలపై పవన్
తాజాగా హోలీ పండుగ సందర్భంగా పవన్ కళ్యాణ్ హీరోగా నటిస్తున్న ‘హరిహర వీరమల్లు’ సినిమా నుంచి కొత్త పోస్టర్ విడుదలైంది. ఇందులో పవర్ స్టార్‌తో పాటు ఇతర నటులు గుర్రాలపై ఉన్నారు. దీంతో పాటు మూవీ విడుదల తేదీని కూడా మరో రోజుకు మార్చుతున్నట్లు పోస్టు చేశారు. తొలుత అనుకున్న ప్రకారం మార్చి 28న రిలీజ్ కావాల్సి ఉంది. అయితే కొన్ని కారణాల వల్ల వాయిదా వేస్తున్నామని, అందుకే మే 9న థియేటర్లలోకి తీసుకురానున్నట్లు మూవీ టీమ్ ప్రకటించింది. ఈ న్యూస్‌తో పవన్ ఫ్యాన్స్ కాస్త నిరాశ చెందుతున్నారు.
The battle is set, and the fight for JUSTICE and DHARMA will be unstoppable! ⚔️🔥#HariHaraVeeraMallu charges into battle at breakneck speed, and NOTHING will alter the hunt this time.
A saga of valor is all set to ignite the screens on May 9th, 2025 ❤️🔥💥
A POWER-PACKED… pic.twitter.com/BOE4mmmbXY
— Hari Hara Veera Mallu (@HHVMFilm) March 14, 2025
అత్యంత భారీ బ‌డ్జెట్‌తో..
కాగా ఈ సినిమాలో నిధి అగర్వాల్(Nidhi Agarwal) హీరోయిన్‌గా నటిస్తుండగా.. MM కీరవాణి మ్యూజిక్ అందిస్తున్నారు. సూర్య మూవీస్ బ్యానర్‌పై AM రత్నం ఈ మూవీని నిర్మిస్తున్నారు. అత్యంత భారీ బ‌డ్జెట్‌తో తెర‌కెక్కుతున్న ఈ చిత్రం రెండు భాగాలుగా తెర‌కెక్కుతోంది. తొలి భాగం ‘‘హరిహర వీరమల్లు-1 ది స్వార్డ్ వ‌ర్సెస్ స్పిరిట్’’గా ప్రపంచ వ్యాప్తంగా ప్రేక్షకుల ముందుకు రానుంది.
