admin
రెండు రోజుల పర్యటన నేపథ్యంలో భారత ప్రధాని నరేంద్ర మోదీ(PM Modi) మారిషస్(Mauritius)కు చేరుకున్నారు. ఇవాళ ఉదయం (మార్చి 11) అక్కడి ఎయిర్ పోర్టులో మోదీని ఆదేశ ప్రధానమంత్రి డాక్టర్ నవీన్ చంద్ర రామ్‌గలమ్(Mauritius PM Dr. Navinchandra Ramgoolam) ఘన స్వాగతం పలికారు. రేపు (మార్చి 12న) జరిగే మారిషస్ జాతీయ దినోత్సవాల(Mauritius National Day Celebrations)కు ముఖ్య అతిథిగా మోదీ హాజరుకానున్నారు. ఈ కార్యక్రమంలో భారత రక్షణ దళాల(Indian Defense Forces)తో పాటు భారత నావికాదళ నౌక(Indian Navy ship) కూడా పాల్గొంటుంది. ఈ టూర్‌లో ఇరు దేశాల మధ్య సామర్థ్య నిర్మాణం, వాణిజ్యం, సరిహద్దు ఆర్థిక నేరాలను ఎదుర్కోవడం వంటి రంగాలలో సహకారం కోసం అనేక ఒప్పందాలపై రెండు దేశాల ప్రధానులు MoU కుదుర్చుకోనున్నాయి.
మోదీ స్పెషల్ ట్వీట్
మారిషస్‌లోని ప్రవాస భారతీయులు ప్రధాని మోదీని స్వాగతించడానికి పోర్ట్ లూయిస్‌(Port Louis)లోని ఒక హోటల్ వెలుపల పెద్దఎత్తున తరలివచ్చారు. ఈ సందర్భంగా మోదీ స్పెషల్ ట్వీట్ చేశారు. “నా మిత్రుడు నవీన్ చంద్రను కలవడానికి మారిషస్ చేరుకున్నాను. ఆయనతో ద్వైపాక్షిక చర్చల కోసం ఎంతో ఆసక్తిగా ఎదురుచూస్తున్నాను. తాజా చర్చల ద్వారా భారత్-మారిషస్ బంధం మరింత బలపడుతుందని భావిస్తున్నాను” అని మోదీ ట్వీట్‌లో పేర్కొన్నారు. కాగా రెండు రోజుల పాటు మోదీ ఆ దేశంలో పర్యటించనున్నారు.
Desk
swarna boddula
