admin
ప్రజాశాంతి పార్టీ అధ్యక్షుడు కేఏ పాల్ (KA Paul) మరోసారి తన కామెంట్స్ తో వార్తల్లో నిలిచారు. అయితే ఈసారి కేవలం వ్యాఖ్యలతోనే కాదు ఆయన ఇమిటేషన్ చేసి కూడా వైరల్ అవుతున్నారు. తాజాగా ఏపీలోని కూటమి ప్రభుత్వం గురించి మాట్లాడుతూ కేఏ పాల్ డిప్యూటీ సీఎం సీఎం పవన్ కళ్యాణ్ (Pawan Kalyan)ను ఇమిటేట్ చేశారు. దీనికి సంబంధించిన వీడియో ఇప్పుడు సోషల్ మీడియాలో బాగా వైరల్ అవుతోంది.
అధికారంలోకి వచ్చి ఏం చేశారు?
కూటమి ప్రభుత్వంపై విమర్శలు గుప్పించిన కేఏ పాల్.. ఏపీలో లిక్కర్ ధరలు (Liquor Price in AP), కల్తీ మద్యంపై మాట్లాడారు. గత ప్రభుత్వంలో లిక్కర్ ను అధిక ధరలకు అమ్ముతున్నారని, కల్తీ మద్యం విక్రయిస్తున్నారని మాట్లాడిన జనసేన నేత పవన్ కళ్యాణ్.. ఇప్పుడు అధికారంలోకి వచ్చి ఏం చేస్తున్నారని కేఏ పాల్ ప్రశ్నించారు. ఈ సందర్భంగా గతంలో పవన్ మాట్లాడిన మాటలను ఆయన ఇమిటేట్ చేశారు.
డిప్యూటీ సీఎం పవన్ కళ్యాణ్ ఇమిటేట్ చేసిన కేఏ పాల్ గారు
కల్తీ మద్యం అమ్ముతు ప్రజల ఆరోగ్యంతో చెలగాటమాడుతున్నారని కే పాల్ గారు pic.twitter.com/GmrRKE1WDd— saira reddy (@ramamanikantes5) February 28, 2025
మరిచిపోయినట్టున్నారు
“రూ.50 మందు రూ.150కి అమ్ముతున్నావు అని జగన్ మీద కామెంట్ చేశాడు. కానీ ఇప్పుడు మీరు కల్తీ మందు వాళ్ల కంటే దారుణ‌మైన రేట్ల‌తో అమ్ముతున్నారు కదా. పవన్ తమ్ముడు మరి మీరేం చేస్తున్నారు. 30 వేల మంది అమ్మాయిలు అదృశ్యమయ్యారు. మేం అధికారంలోకి రాగానే వాళ్ల ఆచూకి కనిపెడతాం అని చెప్పారు. అసలు ఇవాళ వారి గురించే మాట్లాడటం మానేశారు.” అంటూ పవన్ కళ్యాణ్ ను ఇమిటేట్ చేస్తూ కేఏ పాల్ విమర్శించిన వీడియో నెట్టింట వైరల్ అవుతోంది.
Desk
swarna boddula
