admin
పేదల భూములను ఆక్రమించిన ఓ రియల్ ఎస్టేట్ బ్రోకర్ పై మల్కాజిగిరి ఎంపీ (Malkajgiri MP) ఈటల రాజేందర్ తీవ్రంగా ఫైర్ అయ్యారు. సంయమనం కోల్పోయిన ఆయన ఒక్కసారిగా బ్రోకర్ చెంప చెల్లుమనిపించారు. వెంటనే ఆయన వెంట వచ్చిన బీజేపీ నేతలు, కార్యకర్తలు ఆ బ్రోకర్ పై మూకుమ్మడిగా దాడి చేశారు. దీనికి సంబంధించిన వీడియో ఇప్పుడు నెట్టింట వైరల్ అవుతోంది.
అసలేం జరిగిందంటే..?
మల్కాజిగిరి ఎంపీ ఈటల రాజేందర్ (MP Etela Rajender) మంగళవారం ఉదయం మేడ్చల్ జిల్లా పోచారంలో పర్యటించారు. ఎంపీ వచ్చారని తెలుసుకున్న కొందరు బాధితులు తమ భూములను ఓ రియల్ ఎస్టేట్ బ్రోకర్ ఆక్రమించాడని ఫిర్యాదులు ఇచ్చారు. తమకు న్యాయం చేయాలని ఈటలను వేడుకున్నారు. విషయం తెలుసుకున్న ఈటల సదరు బ్రోకర్ తో మాట్లాడేందుకు అక్కడికి వెళ్లారు.
బిగ్ బ్రేకింగ్ న్యూస్
మేడ్చల్ జిల్లా పోచారంలో బీజేపీ ఎంపీ ఈటల రాజేందర్ ఆగ్రహం
రియల్ ఎస్టేట్ బ్రోకర్ పై చేయి చేసుకున్న ఈటెల
పేదల భూములు కబ్జా చేయడంతో బ్రోకర్ పై దాడి pic.twitter.com/BmU5J08YtX
— Telugu Scribe (@TeluguScribe) January 21, 2025
వీడియో వైరల్
ఈ క్రమంలో బ్రోకర్ తో మాట్లాడుతుండగా ఈటల (Etela Video Viral) ఒక్కసారిగా సంయమనం కోల్పోయారు. కోపోద్రిక్తుడైన ఆయన ఆ బ్రోకర్ చెంప చెల్లుమనిపించారు. నిత్యం ఎంతో శాంతంగా ఉండే ఎంపీ.. సడెన్ గా ఉగ్రరూపం దాల్చడంతో బీజేపీ నేతలు, ఈటల అనుచరులు సైతం షాకయ్యారు. ఈటల కొట్టిన తర్వాత.. ఎంపీ అనుచరులు, బీజేపీనేతలు సైతం ఆ బ్రోకర్ మీద దాడికి పాల్పడ్డారు. ప్రస్తుతం ఈ వీడియో వైరల్ అవుతోంది.
Desk
swarna boddula
