Mana Enadu : పదేళ్ల తర్వాత జమ్మూకశ్మీర్​లో అసెంబ్లీ ఎన్నికలు (Jammu Kashmir Assembly Elections 2024) జరిగాయి. ఈ ఎన్నికల్లో కాంగ్రెస్, ఎన్సీ కూటమి ఘన విజయం సాధించింది. ముఖ్యమంత్రి అభ్యర్థి ఎవరు అనే విషయాన్ని వెల్లడించకుండానే ప్రచారం చేసి గెలిచిన కూటమి.. ఫలితాల తర్వాత తమ అభ్యర్థిని ప్రకటించాయి. ఈ క్రమంలో ప్రభుత్వం ఏర్పాటు చేసేందుకు నేషనల్ కాన్ఫరెన్స్​ (NC), కాంగ్రెస్ కూటమి కూటమి సిద్ధమైంది.

నేడే జమ్మూకశ్మీర్ సీఎం ప్రమాణ స్వీకారం

ఎన్​సీ అధినేత ఒమర్ అబ్దుల్లా (Omar Abdullah) మంగళవారం రోజున లెఫ్టినెంట్ గవర్నర్​ మనోజ్ సెన్హాను కలిసి ప్రభుత్వ ఏర్పాటుకు అనుమతిని కోరారు. బుధవారం (అక్టోబర్ 16వ తేదీ 2024) రోజున ముఖ్యమంత్రిగా ప్రమాణ స్వీకారం చేసేందుకు సిద్ధంగా ఉన్నట్లు లెఫ్టినెంట్ గవర్నర్​కు తెలియజేశారు. ప్రభుత్వ ఏర్పాటుకు గ్రీన్ సిగ్నల్ ఇచ్చిన ఎల్జీ.. ప్రమాణ స్వీకారానికి అనుమతినిచ్చారు. ఈ నేపథ్యంలో ఇవాళ ఒమర్ అబ్దుల్లా చేత ఎల్జీ మరోసారి జమ్మూకశ్మీర్ ముఖ్యమంత్రిగా ప్రమాణ స్వీకారం (CM Omar Abdullah Oath Ceremony) చేయించనున్నారు. ఈ కార్యక్రమానికి పలువురు రాజకీయ ప్రముఖులు హాజరు కానున్నారు.

రెండు చోట్లా మర్ అబ్దుల్లా విజయకేతనం 

మాజీ ముఖ్యమంత్రి అయిన ఒమర్ ఈ అసెంబ్లీ ఎన్నికల్లో రెండు స్థానాల నుంచి పోటీ చేసి రెండు చోట్లా గెలుపొందారు. బద్గాం నియోజకవర్గం నుంచి పీడీపీ అభ్యర్థి అగా సయద్ ముంతజీర్ మెహ్దీపై 18వేలకు పైగా ఓట్ల ఆధిక్యంతో.. మరోవైపు అబ్దుల్లా కుటుంబానికి కంచుకోట అయిన గందర్​బల్ (Omar Abdullah Victory) స్థానం నుంచి భారీ మెజార్టీతో ఘన విజయం సాధించారు.

ఎగ్జిట్ పోల్స్ అంచనాలు తలకిందులు చేస్తూ

ఇక జమ్మూకశ్మీర్​లో మొత్తం 90 అసెంబ్లీ స్థానాలుండగా.. ఇక్కడ హంగ్ సర్కారే ఏర్పాటవుతుందని ఎగ్జిట్ పోల్స్ అంచనా వేశాయి. వాటికి భిన్నంగా ఫలితాల్లో కాంగ్రెస్- ఎన్​సీ కూటమి (Congress NC Alliance) ఆధిక్యంలో దూసుకెళ్లి ప్రభుత్వం ఏర్పాటు చేసేందుకు అవసరమైన సీట్లు దక్కించుకుంది. నేషనల్ కాన్ఫిరెన్స్ ఏకంగా 42 సీట్లు..  ఎన్​సీ మిత్రపక్షమైన కాంగ్రెస్ 6 స్థానాల్లో విజయం సాధించింది. ఈ కూటమి స్థిరమైన ప్రభుత్వం ఏర్పాటు చేయడానికి కావాల్సిన మేజిక్ ఫిగర్​ 46ను సంపాదించగలిగాయి. బీజేపీ మొత్తం 29 స్థానాల్లో.. పీడీపీ 3, జేపీసీ 1, సీపీఎం 1, ఆప్​ 1, ఇతరులు 7 సీట్లలో విజయం సాధించాయి.