ప్రభాస్ ‘ది రాజా సాబ్’ టీజర్ రిలీజ్ టైం లాక్ ఫిక్స్!

పాన్ ఇండియా స్టార్ ప్రభాస్(Prabhas) అభిమానులకు గుడ్ న్యూస్. ఆయన హీరోగా మారుతి దర్శకత్వంలో రూపొందుతున్న కొత్త సినిమా ‘ది రాజా సాబ్’(The Raja Saab) టీజర్ రిలీజ్ టైం ఫిక్స్ అయ్యింది. ఈ మూవీ టీజర్‌ను జూన్ 16వ తేదీన ఉదయం 10:52 గంటలకు విడుదల చేయనున్నట్లు దర్శకుడు మారుతి అధికారికంగా ప్రకటించారు. ఇప్పటికే టీజర్ రిలీజ్ డేట్‌ను వెల్లడించిన చిత్రబృందం… ఇప్పుడు స్పెషల్ టైం కూడా లాక్ చేసింది. టీజర్‌ను యూట్యూబ్‌తో పాటు సోషల్ మీడియా ప్లాట్‌ఫామ్‌లలో విడుదల చేయనున్నారు.

ప్రభాస్ కెరీర్‌లో ఇదే తొలి హారర్ జానర్ మూవీ కావడం విశేషం. మరోవైపు, ప్రేమ కథ చిత్రం, భలే భలే మగాడివోయ్, ప్రతి రోజు పండగే లాంటి ఫ్యామిలీ ఎంటర్‌టైనర్స్‌తో ప్రేక్షకులను ఆకట్టుకున్న దర్శకుడు మారుతి… ఈసారి ప్రభాస్‌ను కొత్త కోణంలో చూపించబోతున్నారు. ఇప్పటికే విడుదలైన ఫస్ట్ లుక్స్ మంచి రెస్పాన్స్ తెచ్చుకున్నాయి. టీజర్‌పై అంచనాలు మరింత పెరిగాయి.

All smiles now… 😍
but what’s coming will send shivers down your spine 🔥

Here’s a working still from #TheRajaSaab sets ❤️#TheRajaSaabTeaser on June 16th at 10:52AM 💥#TheRajaSaabOnDec5th pic.twitter.com/WtHvEBV83Z

— Director Maruthi (@DirectorMaruthi) June 13, 2025

ఈ సినిమాలో ప్రభాస్ సరసన నిధి అగర్వాల్, మాళవిక మోహనన్, రిద్ధి కుమార్ హీరోయిన్లుగా నటిస్తున్నారు. సమాచారం ప్రకారం మాళవిక మోహనన్ యాక్షన్ సీన్లలోనూ కనిపించనుంది. ఈ మల్టీ లాంగ్వేజ్ హారర్ ఎంటర్‌టైనర్‌ను పీపుల్ మీడియా ఫ్యాక్టరీ పతాకంపై టీ.జి. విశ్వ ప్రసాద్ నిర్మిస్తున్నారు. ఈ సినిమాను డిసెంబర్ 5న ప్రపంచవ్యాప్తంగా థియేటర్లలో విడుదల చేయనున్నారు. తెలుగు, హిందీ, తమిళం, కన్నడ, మలయాళ భాషల్లో ఒకేసారి రిలీజ్ చేసేందుకు ప్లాన్ చేస్తున్నారు.