Saif Ali Khan: సైఫ్‌ శరీరంపై 6 కత్తిపోట్లు.. ఘనటపై స్పందించిన ఎన్టీఆర్

బాలీవుడ్(Bollywood) నటుడు సైఫ్ అలీఖాన్‌(Saif Ali Khan)పై కత్తితో దాడి జరిగిన సంగతి తెలిసిందే. ముంబై బాంద్రా(Mumbai Bandra)లోని ఆయన నివాసంలోకి ఓ దొంగ చొరబడి సైఫ్‌పై కత్తితో దాడి(Knife Attack) చేసినట్లుగా తెలుస్తోంది. గురువారం తెల్లవారుజామున 2.30 గంటల ప్రాంతంలో సైఫ్ తన కుటుంబ సభ్యులతో కలిసి నిద్రిస్తున్న క్రమంలో ఈ ఘటన జరిగినట్లు సమాచారం. ఈ సమయంలో దొంగతో జరిగిన ఘర్షణలో సైఫ్ అలీఖాన్ తీవ్రంగా గాయపడ్డాడు. ఆయన శరీరంపై 6 చోట్ల కత్తిగాట్లు కావడంతో వెంటనే నవీముంబైలోని లీలావతి ఆసుపత్రికి తరలించారు.

సైఫ్ గాయంపై స్పందించిన లీలావతి ఆస్పత్రి

ఈ ఘటనపై బాంద్రా పోలీసులు(Bandra Police) కేసు నమోదు చేశారు. దుండగుడి ఆచూకీ కోసం గాలింపు చేపట్టారు. ఇదిలా ఉండగా లీలావతి ఆసుపత్రి(Lilavati Hospital) యాజమాన్యం సైఫ్ గాయంపై స్పందించింది.‘ ఆయనపై దొంగ కత్తితో దాడిచేశాడని 3.30 గంటల సమయంలో ఆసుపత్రికి తీసుకువచ్చారు. ఆయనకు తీవ్రంగా గాయాలయ్యాయి. అందులో రెండు కత్తిపోట్లు లోతుగా దిగాయి. ఒకటి వెన్నెముకకు దగ్గరల్లో దిగింది. న్యూరోసర్జన్ నితిన్ డాంగే, కాస్మొటిక్ సర్జన్ లీనా జైన్ ఆయనకు సర్జరీ(Surgery) చేస్తున్నారు. శస్త్రచికిత్స పూర్తయిన తర్వాతే ఆయన ఆరోగ్యంపై మరింత సమాచారం ఇస్తాం’’ అని తెలిపింది.

Bollywood actor Saif Ali Khan stabbed at his Mumbai home! #Saifalikhan was stabbed multiple times during a robbery attempt at his Bandra West home 2:30 AM on January 16, 2025

He confronted the intruder, leading to a face-off. The thief reportedly fled after noise alerted other… pic.twitter.com/faVaq34UBE

— Nabila Jamal (@nabilajamal_) January 16, 2025

ఇది తెలుసుకొని దిగ్భ్రాంతికి గురయ్యాం..

ఇదిలా ఉండగా బాలీవుడ్ హీరో సైఫ్ అలీఖాన్‌పై జరిగిన దాడిపై యంగ్ టైగర్ NTR స్పందించారు. ‘సైఫ్‌పై జరిగిన దాడి గురించి తెలిసి షాక్‌కు గురయ్యా. ఆయన త్వరగా కోలుకోవాలని, ఆయురారోగ్యాలతో ఉండాలని కోరుకుంటున్నా’ అని NTR ట్వీట్ చేశారు. అటు ‘దేవర’ టీమ్(Devara Team) సైతం ఈ ఘటనపై స్పందించింది. ‘ఇది తెలుసుకొని దిగ్భ్రాంతికి గురయ్యాం. త్వరగా కోలుకోండి సైఫ్ సార్’ అని పేర్కొంటూ ట్వీట్ చేస్తోంది. కాగా సైఫ్ అలీఖాన్ ‘దేవర(Devara Movie)’ సినిమాలో భైరా(Bhaira) పాత్ర పోషించిన సంగతి తెలిసిందే.

Shocked and saddened to hear about the attack on Saif sir.

Wishing and praying for his speedy recovery and good health.

— Jr NTR (@tarak9999) January 16, 2025