Desk
తెలంగాణ పాలిసెట్(TG POLYCET-2025) ఫలితాలను శనివారం (మే 24) ఉదయం 11 గంటలకు విడుదల చేయనున్నట్లు రాష్ట్ర సాంకేతిక విద్య, శిక్షణ మండలి (SBTET) కార్యదర్శి బి.శ్రీనివాస్‌ తెలిపారు. ఈ నెల 13వ తేదీన జరిగిన పరీక్షకు మొత్తం 98,858 మంది విద్యార్థులు హాజరయ్యారు. కాగా ఈనెల 13న నిర్వహించిన పాలిసెట్-2025కు 92.64 శాతం మంది హాజరైన విషయం తెలిసిందే. దీనికి మొత్తం 1,06,716 మంది దరఖాస్తు చేసుకోగా వారిలో 98,858 మంది పరీక్ష రాశారు. విద్యార్థులు తమ ఫలితాలను https://www.polycet.sbtet.telangana.gov.in/లో తెలుసుకోవచ్చు. ఈ పాలిసెట్ ద్వారా తెలంగాణలోని పాలిటెక్నిక్ కళాశాల(Polytechnic College in Telangana)ల్లో సీట్లను భర్తీ చేస్తారు.
టీజీ పాలిసెట్ ఫలితాలు ఇలా చెక్‌ చేసుకోవాలి..
* మొదట అధికారిక వెబ్‌సైట్‌ https://www.polycet.sbtet.telangana.gov.in/ ఓపెన్ చేయండి.
* హోంపేజీలో కనిపిస్తున్న POLYCET 2025 Results అనే లింక్‌పై క్లిక్ చేయండి.
* మీ హాల్ టికెట్ నంబర్ ఎంటర్ చేయండి.
* తర్వాత Submit బటన్‌పై క్లిక్ చేయండి.
* మీ ర్యాంక్ కార్డు స్క్రీన్ పై కనిపిస్తుంది.
* భవిష్యత్‌ అవసరాల కోసం ప్రింట్‌ అవుట్‌ తీసుకోండి.
admin
swarna boddula
