Kodiburra|పోలీస్ ఆఫీస‌ర్‌గా శ్రీ‌రామ్‌.. కోడి బుర్ర సినిమా

Mana Enadu:ఒకరికి ఒకరు, రోజాపూలు, స్నేహితులు, రాగల 24 గంటల్లో వంటి చిత్రాలతో తెలుగు ప్రేక్షకులకు దగ్గరైన హీరో శ్రీరామ్ కొత్త మూవీ “కోడి బుర్ర సోమ‌వారం హైదరాబాద్ ఫిలింనగర్ లో లాంఛనంగా ప్రారంభించారు. ఈ చిత్రాన్ని వీ4 క్రియేషన్స్ బ్యానర్ లో కంచర్ల సత్యనారాయణరెడ్డి, గట్టు విజయ్ గౌడ్, చిన్ని చందు, వట్టం రాఘవేంద్ర, సముద్రాల మహేశ్ గౌడ్ నిర్మిస్తున్నారు. చంద్రశేఖర్ కానూరి దర్శకత్వం వహిస్తున్నారు.

శృతి మీనన్, ఆరుషి హీరోయిన్స్ గా నటిస్తున్నారు. మహావీర్ మరో కీ రోల్ పోషిస్తున్నారు. కోడి బుర్ర సినిమా ప్రారంభోత్సవ కార్యక్రమానికి ఎమ్మెల్యే మల్ రెడ్డి రంగారెడ్డి హ‌జ‌రై కెమెరా స్విచ్ఛాన్ చేశారు. నిర్మాత బెక్కెం వేణుగోపాల్ క్లాప్ నివ్వగా, దర్శకుడు భరత్ కమ్మ స్క్రిప్ట్ అందజేశారు.


దర్శకుడు చంద్రశేఖర్ కానూరి మాట్లాడుతూ ..మా కోడి బుర్ర సినిమా ప్రారంభోత్సవం జరుపుకోవడం సంతోషంగా ఉందన్నారు. హీరో శ్రీరామ్ ప్రేక్ష‌కుల‌కు కొత్తగా క‌నిపించ‌బోతున్నార‌ని పేర్కొన్నారు. ఇప్పటివ‌ర‌కు లవ్, రొమాంటిక్ తరహా చిత్రాలు చేశారన్నారు. కోడి బుర్ర సినిమాలో పోలీస్ ఆఫీసర్ గా కనిపిస్తారు. హీరోయిన్ శృతి మీనన్ డాక్టర్ రోల్ చేస్తోందని వివ‌రించారు.

హీరో శ్రీరామ్ మాట్లాడుతూ – కోడి బుర్ర సినిమా క్రైమ్ థ్రిల్లర్ కథతో మీ ముందుకు రాబోతోంది. ఈ సినిమా టైటిల్ వినగానే మీకు ఒక ఐడియా వచ్చి ఉంటుంది. వీ 4 క్రియేషన్స్ లో ఈ సినిమా చేయడం సంతోషంగా ఉంది. మా డైరెక్టర్ చంద్రశేఖర్ కు ఇది నాలుగో సినిమా. కోడి బుర్ర చిత్రాన్ని అందరికీ నచ్చేలా ఆసక్తికరంగా తెరకెక్కిస్తున్నారు. శృతి మీనన్ తమిళ, మలయాళ భాషల్లో సినిమాలు చేసింది. ఆరుషి మంచి రోల్ చేస్తోంది. ఒక ఇంట్రెస్టింగ్ మూవీలో పార్ట్ కావడం హ్యాపీగా ఉంది. మా ప్రొడ్యూసర్స్, డైరెక్టర్ కు థ్యాంక్స్. అన్నారు.

హీరోయిన్ శృతి మీనన్ మాట్లాడుతూ – నేను తమిళ, మలయాళంలో సినిమాలు చేశాను. కోడి బుర్ర చిత్రంతో తెలుగులోకి అడుగుపెడుతున్నాను. తెలుగు ప్రేక్షకులకు ఈ చిత్రంతో పరిచయం కావడం సంతోషంగా ఉంది. కోడి బుర్ర సినిమాలో అవకాశం ఇచ్చిన దర్శక నిర్మాతలకు థ్యాంక్స్. అన్నారు.

నిర్మాత గట్టు విజయ్ మాట్లాడుతూ – కోడి బుర్ర సినిమాను ఇవాళ లాంఛనంగా ప్రారంభించుకున్నాం. ఈ నెల 22వ తేదీ నుంచి రెగ్యులర్ షూటింగ్ కు వెళ్తున్నాం. హీరో శ్రీరామ్ గారు ఈ కథ విన్న వెంటనే సింగిల్ సిట్టింగ్ లో ఓకే చేశారు. ఆయనకు థ్యాంక్స్ చెబుతున్నాం. అలాగే శృతి, ఆరుషి హీరోయిన్స్ కనిపించనున్నారు. ఒక మంచి మూవీతో మీ అందరి ముందుకు త్వరలోనే వస్తాం. అన్నారు.

నిర్మాత కంచర్ల సత్యనారాయణరెడ్డి మాట్లాడుతూ – నా ఫేవరేట్ హీరో శ్రీరామ్ తో సినిమా ప్రొడ్యూస్ చేస్తుండటం సంతోషంగా ఉంది. ఆయన ఒకరికి ఒకరు, పోలీస్ పోలీస్ సినిమాలను చాలా సార్లు చూశాను. ఈ చిత్రాన్ని నా మిత్రులు గట్టు విజయ్ గౌడ్, చిన్ని చందు, వట్టం రాఘవేంద్ర, సముద్రాల మహేశ్ గౌడ్ తో కలిసి ప్రొడ్యూస్ చేస్తున్నాను. పేరున్న నటీనటులు మా చిత్రంలో నటించబోతున్నారు. మంచి కథ, మా డైరెక్టర్ గారు ఎంతో క్రియేటివ్ గా సినిమా స్క్రిప్ట్ చేశారు. కోడి బుర్ర సినిమా సక్సెస్ అయ్యి మా బ్యానర్ కు మంచి పేరు తెస్తుందని ఆశిస్తున్నాం. అన్నారు.

హీరోయిన్ ఆరుషి మాట్లాడుతూ – కోడి బుర్ర చిత్రంలో నాకు నటించే అవకాశం ఇచ్చిన ప్రొడ్యూసర్స్, డైరెక్టర్ కు థ్యాంక్స్. ఈ చిత్రం మా టీమ్ అందరికీ మంచి పేరు తెస్తుంది. మీ సపోర్ట్ అందిస్తారని కోరుకుంటున్నా. అన్నారు.

నటుడు మహావీర్ మాట్లాడుతూ – నేను మా డైరెక్టర్ చంద్రశేఖర్ చేసిన గత మూవీ రవికుల రఘురామలో విలన్ గా నటించారు. కోడి బుర్ర చిత్రంలో కూడా నెగిటివ్ రోల్ చేస్తున్నాను. ఈ చిత్రానిక మీ అందరి సపోర్ట్ ఉంటుందని ఆశిస్తున్నాం. అన్నారు.

నటీనటులు – శ్రీరామ్, శృతి మీనన్, ఆరుషి, మహావీర్ తదితరులు3

టెక్నికల్ టీమ్ ఎడిటర్ – శిరీష్ ప్రసాద్, సినిమాటోగ్రఫీ – శ్రీకాంత్ కొండా,
సంగీతం – సుకుమార్ రాగ, పీఆర్ఓ – వీరబాబు, బ్యానర్ – వీ4 క్రియేషన్స్,
నిర్మాతలు – కంచర్ల సత్యనారాయణరెడ్డి, గట్టు విజయ్ గౌడ్, చిన్ని చందు, వట్టం రాఘవేంద్ర,
సముద్రాల మహేశ్ గౌడ్, రచన, దర్శకత్వం – చంద్రశేఖర్ కానూరి

Share post:

లేటెస్ట్