admin
పండుగ ఏదైనా.. సందర్భం ఏదైనా.. పార్టీ చేసుకోవండ ఇప్పుడు పరిపాటిగా మారింది. ఇక ఆ పార్టీలో నాన్ వెజ్ (Non Veg) మాత్రం పక్కాగా ఉండాల్సిందే. చాలా మందికి ముక్క లేనిదే ముద్ద దిగదు. అంతలా మన జీవితంలో మాంసాహారం భాగమైపోయింది. సాధారణంగా తెలంగాణలో ఎక్కువగా మాంసాహారం తింటారని అంటుంటారు. ఎందుకంటే ఇక్కడ పండగ ఏదైనా మాంసంతో పండుగ చేసుకోవడం అలవాటు. కానీ దేశంలో మాంసం ఎక్కువగా తినే రాష్ట్రాల్లో తెలంగాణ (Telangana) ఏడో స్థానంలో ఉందట.
దేశంలో నాన్ వెజ్ ఎక్కువ తినే రాష్ట్రం
అంటే మన కంటే ఆరు రాష్ట్రాల్లో నాన్ వెజ్ ప్రియులు (Non Veg Lovers) ఎక్కువగా ఉన్నారన్నమాట. దేశంలో అత్యధికంగా మాంసం తినే రాష్ట్రాలపై నేషనల్ హెల్త్ ఫ్యామిలీ సర్వే (National Health Family Survey-5) వివరాలు సేకరించి నాన్ వెజ్ తినడంలో టాప్ 10లో ఉన్న రాష్ట్రాలను ప్రకటించింది. మరి ఇందులో ఏ రాష్ట్రం నంబర్ వన్ స్థానంలో ఉంది..? తెలంగాణలో ఎంత మంది నాన్ వెజ్ ప్రియులు ఉన్నారు..? తెలుసుకుందామా..?
మొదటి స్థానంలో ఎవరంటే..?
దేశంలో అత్యధికంగా నాన్ వెజ్ తినే రాష్ట్రంగా నాగాలాండ్ (Nagaland) మొదటి స్థానంలో నిలిచింది. నేషనల్ హెల్త్ ఫ్యామిలీ సర్వే ప్రకారం ఈ రాష్ట్రంలో ఏకంగా 99.8% ప్రజలు నాన్ వెజ్ తింటున్నారు. 99.3 శాతం మంది మాంసం తినే వారితో పశ్చిమ బెంగాల్ (West Bengal) రెండో స్థానం దక్కించుకుంది. అయితే ఇక్కడి వారు ఎక్కువగా చేపలను ఇష్టపడతారట. సీఫుడ్ ఎక్కువగా తినే కేరళ (Kerala) ఈ జాబితాలో 99.1 శాతంతో మూడో స్థానంలో నిలిచింది.
తెలుగు రాష్ట్రాలు ఏ స్థానాల్లో ఉన్నాయంటే..?
98.25 శాతంతో నాలుగో స్థానంలో ఆంధ్రప్రదేశ్ (Andhra Pradesh).. 97.65 శాతంతో ఐదో స్థానంలో తమిళనాడు (Tamil Nadu).. 97.35 శాతంతో ఆరో స్థానంలో ఒడిశా (Odisha) నిలిచాయి. ఇక మటన్, చికెన్, ఫిష్ పుష్టిగా ఆరగించే తెలంగాణ ఈ జాబితాలో ఏడో స్థానంలో ఉంది. ఇక్కడి జనాభాలో 97.4 శాతం మంది మాంసాహారం తింటారని NHFS పేర్కొంది. 97 శాతంతో ఎనిమిదో స్థానంలో జార్ఖండ్ (Jharkhand).. 95 శాతం మంది నాన్ వెజ్ ప్రియులతో తొమ్మిదో స్థానంలో త్రిపుర (Tripura) ఉంది. ఇక పదో స్థానంలో నిలిచిన గోవా(Goa)లో 93.8 శాతం నాన్ వెజ్ ప్రియులు ఉన్నారు.
Desk
swarna boddula
