విద్యార్థులకు అలర్ట్.. యూజీసీ నెట్‌ పరీక్ష వాయిదా

విద్యార్థులకు అలర్ట్. ఈ నెల 15న జరగాల్సిన యూజీసీ నెట్‌ (UGC NET) పరీక్ష వాయిదా పడింది. సంక్రాంతి పండుగ నేపథ్యంలో పరీక్షను వాయిదా వేస్తున్నట్లు నేషనల్‌ టెస్టింగ్‌ ఏజెన్సీ (NTA) వెల్లడించింది. ఈ మేరకు ఒక ప్రకటన విడుదల చేసింది. పరీక్షను తిరిగి ఎప్పుడు నిర్వహించేది త్వరలో ప్రకటిస్తామని అందులో పేర్కొంది. ఈ నెల 16న జరగాల్సిన పరీక్షను మాత్రం యథాతథంగా నిర్వహిస్తామని తెలిపింది.

యూజీసీ నెట్ పరీక్ష వాయిదా

యూజీసీ నెట్‌ 2024 (డిసెంబర్‌) పరీక్షలను నేషనల్‌ టెస్టింగ్‌ ఏజెన్సీ నిర్వహిస్తోన్న విషయం తెలిసిందే. ఈ నెల 3వ తేదీన మొదలైన ఈ పరీక్షలు ఈ నెల 16వ తేదీన ముగియనున్నాయి. అయితే సంక్రాంతి పండుగ రోజున కూడా పరీక్ష ఉండటంతో  అభ్యర్థులు ఆరోజు పరీక్ష వాయిదా వేయాలని విజ్ఞప్తి చేశారు. ఈ నేపథ్యంలో ఈ నెల 15వ తేదీన జరగాల్సిన పరీక్షను వాయిదా వేసినట్లు ఎన్టీఏ ప్రకటించింది. ఈ పరీక్షను తిరిగి ఎప్పుడు నిర్వహించేది త్వరలో ప్రకటించనున్నట్లు తెలిపింది.