శివశక్తిగా తమన్నా.. అమ్మ సెంటిమెంట్‌తో కళ్యాణ్ రామ్.. ఈ వారం థియేటర్‌/ ఓటీటీలో సినిమాల సందడి

వేసవి వచ్చినా ఇప్పటి వరకు సరైన బొమ్మ థియేటర్లో పడలేదు. ప్రతి ఏడాది సమ్మర్ సీజన్(Summer Season 2025)లో వినోదాల విందు పంచేందుకు బడా హీరోల చిత్రాలు బాక్సాఫీస్ వద్ద సందడి చేస్తుంటాయి. కానీ ఈ ఏడాది ఏప్రిల్ మొదలై సగం రోజులు గడిచినా ఒక్క స్టార్ హీరో మూవీ థియేటర్లోకి రాలేదు. అయితే చిన్న చిత్రాలు, డబ్బింగ్ సినిమాలు మాత్రం బాక్సాఫీస్ వద్ద తమ సత్తా చూపుతున్నాయి. అలా ఈ వారం తమన్నా ఓదెల-2 (Odela 2), కళ్యాణ్ రామ్ అర్జున్ సన్నాఫ్ వైజయంతితో పాటు మరికొన్ని చిత్రాలు సందడి చేసేందుకు రెడీగా ఉన్నాయి.

సమ్మర్ సందడి

ఈ వారం బాక్సాఫీస్ వద్ద కాస్త సందడి తక్కువగా ఉంది. నందమూరి కళ్యాణ్ రామ్ నటించిన అర్జున్ సన్నాఫ్ వైజయంతి(Arjun S/O Vyjayanthi)తో పాటు శివశక్తిగా తమన్నా తన విశ్వరూపం చూపించేందుకు ఓదెల-2తో థియేటర్లోకి వచ్చేస్తోంది. ఇక ఈ రెండు తెలుగు సినిమాలతో పాటు అక్షయ్ కుమార్ నటించిన పాపులర్ మూవీ కేసరికి సీక్వెల్ గా కేసరి చాప్టర్-2 (Kesari Chapter-2) వస్తోంది. ఈ వారం ఈ మూవీ కూడా థియేటర్లలో విడుదల కానుంది. మరోవైపు ఓటీటీలో సందడి చేసేందుకు సినిమాలు, వెబ్ సిరీస్ లు రెడీ అయ్యాయి. మరి అవేంటో ఓ లుక్కేద్దామా..?