Mana Enadu: 2022 అక్టోబర్ 23. ఈ తేదీని పాకిస్థాన్ ఎప్పటికీ మర్చిపోదు. ఎందుకో ఇప్పటికే మీకు అర్థమైపోయి ఉంటుంది. ఆ రోజు టీమ్ఇండియా(Team India) స్టార్ ప్లేయర్ విరాట్ కోహ్లీ(Virat Kohli) విధ్వంసం సృష్టించాడు. విరాట్ అద్భుత ఇన్నింగ్స్‌కు పాకిస్థాన్‌కు చుక్కలు కనిపించాయి. ఆ జట్టే కాదు. ఆ దేశస్థులూ అంత ఈజీగా మార్చిపోలేరు. పాకిస్థాన్ ప్లేయర్ హరీస్ రవూఫ్‌(Haris Raoof) బౌలింగ్‌లో విరాట్ కొట్టిన సిక్స్(SIX) అందరీకీ గుర్తుకు ఉంటుంది.

 అసలు మ్యాచ్‌కి వచ్చే సరికి సీన్ రివర్స్

ఆస్ట్రేలియా గడ్డపై మెల్‌బోర్న్‌లో 2022 T20 ప్రపంచకప్‌ జరిగింది. ఈ మ్యాచులో టీమ్ఇండియా, పాకిస్థాన్(Ind vs Pak) జట్లు అక్టోబర్ 23న తలపడ్డాయి. ప్రపంచంలోనే అతిపెద్ద మైదానాల్లో ఒకటైన MCGలో జరగనున్న ఈ మ్యాచ్‌కు ముందు హరీస్ రవూఫ్ స్పీడ్‌పై పాకిస్థాన్ ఫుల్ జోక్ చేసింది. ఈ మ్యాచ్‌లో పాకిస్థాన్‌దే పైచేయి అని పలువురు క్రికెట్ పండితులు కూడా అభిప్రాయపడ్డారు. కానీ, అసలు మ్యాచ్‌కి వచ్చే సరికి సీన్ రివర్స్ అయింది. పాక్ ప్లేయర్ల ముఖం మాడిపోయింది.

"Greatest innings ever in the history of the game"

Virat Kohli 82(53)* vs Pakistan 2022 WT20 Ball by Ball highlights 1080p50 (Winning runs + Celebrations + Kohli post match interview include)pic.twitter.com/Usrj0qwHrj

— KohliSensual (@Kohlisensual05) October 23, 2024

 ICC షాట్ ఆఫ్ సెంచరీ

ఈ మ్యాచ్‌లో తొలుత బ్యాటింగ్ చేసిన పాక్ 20ఓవర్లలో 8 వికెట్ల నష్టానికి 159 రన్స్ చేసింది. అనంతరం 160 పరుగుల లక్ష్యాన్ని ఛేదించేందుకు వచ్చిన భారత 31 పరుగులకే 4 కీలక వికెట్లు కోల్పోయింది. కానీ టీమ్‌ను కోహ్లీ దేవుడిలా ఆదుకున్నాడు. కోహ్లీ 53 బంతుల్లో 6 ఫోర్లు, 4 సిక్సర్లతో అజేయంగా 82 పరుగులు చేశాడు. కోహ్లీ కొట్టిన ఈ సిక్స్‌లలో ఓ సిక్స్‌ను ఐసీసీ షాట్ ఆఫ్ ది సెంచరీ(ICC shot of the century)గా ప్రకటించింది. నేడు అక్టోబర్ 23 కావడంతో కోహ్లీ సూపర్ ఇన్నింగ్స్(Super innings) తెగ ట్రెండ్(Trend) అవుతోంది. మీరూ ఆ వీడియో(Video) చూసేయండి.