admin
ఏపీ వ్యాప్తంగా ఇంటర్మీడియట్‌ పరీక్షలు (AP Inter Exams) ప్రారంభమయ్యాయి. ఉదయం 9 గంటలకు ప్రారంభమైన పరీక్షలు మధ్యాహ్నం 12 గంటల వరకు కొనసాగనున్నాయి. ఈ ఎగ్జామ్స్ కు అధికారులు ఒక్క నిమిషం నిబంధన అమలు చేశారు. పరీక్షకు ఆలస్యంగా వచ్చిన వారిని అనుమతించలేదు. ఇక కేంద్రాల వద్ద ఎలాంటి అవాంఛనీయ ఘటనలు చోటుచేసుకోకుండా 144 సెక్షన్‌ అమలు చేశారు. మరోవైపు ఫ్లయింగ్ స్క్వాడ్‌ బృందాలను నియమించారు.
సెట్-2 క్వశ్చన్ పేపర్
ఇంటర్ మొదటి సంవత్సరం పరీక్షకు సెట్-2 ప్రశ్నాపత్రాన్ని ఇంటర్ బోర్డు కార్యదర్శి కృతికా శుక్లా (AP Inter Board Secretary) ఎంపిక చేశారు. పరీక్షా కేంద్రాలన్నీ సీసీటీవీ నిఘాలు ఉండగా.. ఇంటర్ బోర్డు జిల్లా కేంద్రంతోపాటు, రాష్ట్ర కార్యాలయంలోనూ ప్రత్యక్ష ప్రసారం ద్వారా పరీక్షలు జరుగుతున్న తీరును అధికారులు పరిశీలిస్తున్నారు. ఇక చీఫ్‌ సూపరింటెండెంట్‌లు, డిపార్ట్‌మెంటల్‌ అధికారులు ఎగ్జామ్ సెంటర్లను పర్యవేక్షిస్తున్నారు.
అందుబాటులో వైద్య సిబ్బంది
ఈనెల 17వ తేదీ వరకు పరీక్షలు జరగనుండగా ప్రధాన పరీక్షలు 15వ తేదీతో ముగియనున్నాయి. విద్యార్థులను ఉదయం 8.45 గంటలకే పరీక్ష హాల్‌లోకి అనుమతించి సరిగ్గా 9 గంటలకు ప్రశ్నాపత్నం ఇచ్చారు. విద్యార్థులు పరీక్ష రాసే మూడు గంటలు విద్యుత్ సరఫరా(Power Supply)లో అంతరాయం కలగకుండా అధికారులు జాగ్రత్తలు తీసుకున్నారు. ప్రతి పరీక్షా కేంద్రంలో వైద్య సిబ్బందిని అందుబాటులో ఉంచారు.
Desk
swarna boddula
