Desk
తెలంగాణ(Telangana Group-3)లో గ్రూప్-3 ఉద్యోగాలకు ఎంపికైన అభ్యర్థులకు అలర్ట్. తెలంగాణ రాష్ట్ర పబ్లిక్ సర్వీస్ కమిషన్(TGPSC) ముందుగా ప్రకటించిన షెడ్యూల్ ప్రకారం జరగాల్సిన సర్టిఫికేషన్ వెరిఫికేషన్(Certification Verification) ప్రక్రియ వాయిదా పడింది. ఈ మేరకు TDPSC అధికారిక ప్రకటన విడుదల చేసింది. గ్రూప్-3 అభ్యర్థుల సర్టిఫికెట్ల వెరిఫికేషన్ను తొలుత జూన్ 18వ తేదీ నుంచి జులై 8వ తేదీ వరకు నిర్వహించనున్నట్లు కమిషన్ ప్రకటించిన విషయం తెలిసిందే. అయితే, ఈ ప్రక్రియను ప్రస్తుతానికి నిలిపివేస్తున్నట్లు కమిషన్ కార్యదర్శి డాక్టర్ నవీన్ నికోలస్ తాజాగా వెల్లడించారు.
తొలుత గ్రూప్-2 నియామక ప్రక్రియ పూర్తి
గ్రూప్-3 సర్టిఫికెట్ల వెరిఫికేషన్ ప్రారంభించడానికి ముందే గ్రూప్-2 నియామక ప్రక్రియను పూర్తి చేయాలని పలువురు అభ్యర్థుల నుంచి TGPSCకి విజ్ఞప్తులు అందాయి. ఈ వినతులను పరిగణనలోకి తీసుకున్న కమిషన్, గ్రూప్-3 ధ్రువపత్రాల పరిశీలనను వాయిదా వేయాలని నిర్ణయించినట్లు తన వెబ్నోట్లో పేర్కొంది. TGPSC కార్యదర్శి డా.నవీన్ నికోలస్(Dr. Naveen Nicholas) ఈ విషయంపై స్పందించారు. గ్రూప్-3 అభ్యర్థుల సర్టిఫికెట్ల వెరిఫికేషన్కు సంబంధించిన కొత్త తేదీల షెడ్యూల్ను త్వరలోనే ప్రకటిస్తామని తెలిపారు.
swarna boddula
admin
