ఆశా వర్కర్లపై సీఎం చంద్రబాబు వరాలజల్లు

ఏపీలోని ఆశావర్కర్లకు సీఎం చంద్రబాబు నాయుడు (CM Chandrababu Naidu) గుడ్ న్యూస్ చెప్పారు. వారిపై వరాల జల్లు కురిపించారు. ఆశా కార్యకర్తల (ASHA Workers) గరిష్ఠ వయోపరిమితిని 62 ఏళ్లకు పెంచారు. వారికి మొదటి 2 ప్రసవాలకు ఇకపై 180 రోజులు వేతనంతో కూడిన సెలవులు ప్రకటించారు.

త్వరలోనే ఉత్తర్వులు

ఆశా కార్యకర్తలందరికీ ప్రయోజనం చేకూర్చేలా గ్రాట్యుటీ (Gratuity) చెల్లించనున్నట్లు సీఎం చంద్రబాబు తెలిపారు. దీనికి సంబంధించి త్వరలోనే ఉత్తర్వులు జారీ చేయనున్నట్లు వెల్లడించారు. చంద్రబాబు కురిపించిన వరాలపై ఆశా వర్కర్లు ముఖ్యమంత్రికి కృతజ్ఞతలు తెలిపారు.

ఆశావర్కర్లు ప్రస్తుతం నెలకు రూ.10,000/- వేతనం పొందుతున్న విషయం తెలిసిందే. ఇక వారి సర్వీస్ ముగింపు సందర్భంగా గ్రాట్యుటీ కింద సుమారు రూ.1.5 లక్షలు అందేలా సీఎం నిర్ణయించారు. రాష్ట్రంలో దాదాపు 42,752 మంది ఆశా కార్యకర్తలు ఉండగా.. వారిలో గ్రామీణ ప్రాంతాల్లో 37,017, పట్టణ ప్రాంతాల్లో 5,735 ఆశా వర్కర్లు ఉన్నారు.