admin
నిరుద్యోగులకు ఇండియన్ ఆర్మీ(Indian Army) శుభవార్త చెప్పింది. దేశసేవ చేయాలనే ఆసక్తి గల యువకుల నుంచి అగ్నివీర్ స్కీం (Agniveer Scheme) ద్వారా ఆర్మీ(ARMY)లోకి ఆహ్వానిస్తోంది. ఈ మేరకు అర్హులైన అభ్యర్థుల నియామకాలు చేపడుతోంది. ఈ మేరకు APలోని 13 ఉమ్మడి జిల్లాలకు చెందిన అభ్యర్థుల కోసం అగ్నివీర్ సిబ్బంది నియామకాలు 2025-26 నమోదును ప్రారంభించింది. వివిధ కేటగిరీల అగ్నివీర్ నియామకం కోసం వెబ్‌సైట్, ఇతర వివరాలను విడుదల చేసింది. ఆసక్తి ఉన్న అభ్యర్థులు అధికారిక వెబ్ సైట్ ద్వారా నమోదు చేసుకోవచ్చు. అప్లికేషన్స్‌కు ఏప్రిల్ 10న చివరి తేదీగా ప్రకటించారు.
తెలుగుతో సహా 13 వేర్వేరు భాషల్లో పరీక్ష
దరఖాస్తు చేసుకున్న అభ్యర్థులకు ఆన్‌లైన్ ఉమ్మడి ప్రవేశ పరీక్ష (CEE) నిర్వహించి నియామకాలు చేపడతారు. అయితే మొట్టమొదటిసారిగా తెలుగుతో సహా 13 వేర్వేరు భాషల్లో ఈ పరీక్ష నిర్వహించేందుకు ఆర్మీ సిద్ధమైంది. అన్ని కేటగిరీలకు సంబంధించిన NCC ‘A’, ‘B’ & ‘C’ సర్టిఫికెట్ కలిగిన వారు, ప్రతిభావంతులైన క్రీడాకారులు, అగ్నివీర్ టెక్నికల్ కేటగిరీ కోసం ITI/Diploma అర్హత కలిగిన అభ్యర్థులకు అదనపు మార్కులు ఇవ్వనున్నట్లు తెలిపింది.
పారదర్శకంగా ఎంపిక ప్రక్రియ
ఆంధ్రప్రదేశ్‌లోని గుంటూరు, కర్నూలు, శ్రీ పొట్టి శ్రీరాములు నెల్లూరు, అనంతపురం, YSR కడప, ప్రకాశం, చిత్తూరు, బాపట్ల, పలనాడు, నంద్యాల, తిరుపతి, అన్నమయ్య, శ్రీ సత్యసాయి జిల్లాలకు చెందిన ఆసక్తిగల అభ్యర్థులందరూ అగ్నివీర్ జనరల్ డ్యూటీ(Agniveer General Duty), అగ్నివీర్ టెక్నికల్(Technical), అగ్నివీర్ కార్యాలయం సహాయకులు/స్టోర్ కీపర్ టెక్నికల్ & అగ్నివీర్ వృత్తి నిపుణుల పోస్టుల కోసం దరఖాస్తు చేసుకోవచ్చు. నియామక ప్రక్రియ పూర్తి పారదర్శకంగా ఉంటుందని గుంటూరులోని ఆర్మీ రిక్రూటింగ్ కార్యాలయం(Army Recruiting Office, Guntur) ఓ ప్రకటనలో తెలిపింది.
వెబ్ సైట్: www.joinindianarmy.nic.in
Desk
swarna boddula
