Desk
పులివెందుల జడ్పీటీసీ ఉప ఎన్నిక(Pulivendula ZPTC by-Election)లో తెలుగుదేశం పార్టీ (TDPడీపీ) చారిత్రాత్మక విజయం సాధించింది. ఈ ఎన్నికలు YSR కుటుంబానికి బలమైన కంచుకోటగా పరిగణించబడే పులివెందులలో జరిగాయి. ఇక్కడ గత మూడు దశాబ్దాలుగా వైఎస్ఆర్ కాంగ్రెస్ పార్టీ (YSRCP) ఆధిపత్యం కొనసాగింది. టీడీపీ అభ్యర్థి మారెడ్డి లతా రెడ్డి(Mareddy Latha Reddy), మాజీ ఎమ్మెల్సీ బీ.టెక్ రవి భార్య, YSP అభ్యర్థి తుమ్మల హేమంత్ రెడ్డి(Hemanth Reddy)పై విజయం సాధించారు. ఈమేరకు మారెడ్డి లతారెడ్డి 6,735 ఓట్లు పోలయ్యాయి. సమీప ప్రత్యర్థి YCP అభ్యర్థి హేమంత్ రెడ్డికి కేవలం 683 ఓట్లే వచ్చాయి. దీంతో లతా రెడ్డి 6,052 ఓట్లతో ఘన విజయం సాధించారు. దీంతో 30 ఏళ్ల తర్వాత పులివెందుల జడ్పీటీసీ స్థానాన్ని టీడీపీ కైవసం చేసుకుంది. మరోవైపు ఒంటిమిట్ట జడ్పీటీసీ ఎన్నికల్లోనూ టీడీపీ ఆధిక్యంలో కొనసాగుతోంది.
ప్రజాస్వామ్యం గెలిచింది: మంత్రి నారా లోకేశ్
కాగా ఈ ఎన్నికలు రెండు పార్టీలకు ప్రతిష్ఠాత్మకంగా మారాయి. టీడీపీ నాయకుడు, మంత్రి నారా లోకేశ్(Nara Lokesh) ఈ విజయాన్ని “ప్రజాస్వామ్యం గెలిచింది” అని వర్ణించారు. ఈ ఎన్నికల్లో 76.4% ఓటింగ్ శాతం నమోదైంది, అయితే కొన్ని అల్లర్లు, ఓటర్ల భయాందోళన ఆరోపణలతో వివాదాస్పదంగా మారింది. రెండు పోలింగ్ స్టేషన్లలో రీ-పోలింగ్ నిర్వహించబడింది. ఇది శాంతియుతంగా ముగిసింది. TDP ఈ విజయాన్ని పులివెందులలో అభివృద్ధి, ప్రజాస్వామ్య పునరుద్ధరణకు సంకేతంగా చూపిస్తోంది. సీఎం చంద్రబాబు(CM Chandrababu) ఈ స్థానాన్ని గెలుచుకోవడానికి ప్రత్యేక దృష్టి సారించారు. ఇది వైఎస్ జగన్‌(YS Jagan) ఆధిపత్యానికి సవాలుగా నిలిచింది. ఈ గెలుపు టీడీపీకి రాజకీయంగా కీలకమైన ఊపునిచ్చి, కడప జిల్లాలో వారి ప్రభావాన్ని బలోపేతం చేసింది.
swarna boddula
admin
