adminభారత్‌లో వైద్య విద్య(Medicine) చాలా ఖర్చుతో కూడుకున్నది. ఒక్కోసారి ఎంత టాలెంట్ ఉన్నా సరే మెడిసిన్ విద్యార్థుల(Students)కు ఫ్రీ సీట్లు దొరకని పరిస్థితి ఉంటుంది. దీంతో చాలా మంది రూ.లక్షల్లో ఫీజు(Fee) చెల్లించి సీట్లు(Seats) కొనలేకపోతున్నారు. వెరసీ వైద్య విద్యకు దూరమవుతున్న సందర్భాలు కోకొల్లలు ఉన్నాయి. మరికొందరికి మెడిసిన్ చదవాలంటే భాష సమస్య(Language Problem)గా మారుతోంది. ఈ నేపథ్యంలో ప్రధాని నరేంద్ర మోదీ(PM Modi) వైద్య విద్య చదవాలనుకునే వారికి శుభవార్త చెప్పారు. ఇప్పటి వరకు మెడిసిన్ విద్య ఇంగ్లిష్(English)లోనే ఉండేది. కానీ ఇకపై లోకల్ భాషల్లో(Local languages)నూ అందించేలా అవకాశం కల్పిస్తామని స్పష్టం చేశారు. రానున్న రోజుల్లో మెడిసిన్‌లో 75 వేల వరకు సీట్లను అందుబాటులోకి తీసుకొస్తామని తెలిపారు.
అక్కడి ప్రభుత్వాలు ఎప్పటి నుంచో కృషి
గతంలో కూడా ప్రధాని మోదీ ఒకసారి ఈ వ్యాఖ్యలు చేశారు. దీంతో మధ్యప్రదేశ్ ప్రభుత్వం(MP Govt) వైద్య పాఠ్య పుస్తకాలను హిందీ భాష(Hindi Language)లో విడుదల చేసింది. మెడిసిన్ విద్యను హిందీలో ప్రవేశపెట్టేందుకు MP ప్రభుత్వం ప్రయత్నిస్తోంది. తమిళం(Tamil)లో వైద్య విద్యను అభ్యసించే విధానం తీసుకురావాలని అక్కడి ప్రభుత్వం ఎప్పటి నుంచో డిమాండ్ చేస్తోంది. ఇంగ్లిష్ భాష కంటే స్థానిక భాష(Local languages)లో విద్యను అభ్యసించడం వల్ల అర్థం చేసుకోవడానికి ఈజీగా ఉంటుందని PM భావిస్తున్నారు.
వచ్చే రెండు మూడేళ్లలో అమల్లోకి
ఇదిలా ఉండగా స్థానిక భాషలో(Local languages) వైద్య విద్యను ప్రవేశపెడితే ఇతర రాష్ట్రాల్లో ఉన్న కాలేజీలకు ఇబ్బంది అవుతుందని పలువురు వైద్య నిపుణులు అంటున్నారు. అయితే స్థానిక భాషలను కేవలం మెడిసిన్(Medicine)లోనే కాకుండా IIT, IIMలలో కూడా ప్రవేశపెట్టాలని ప్రయత్నిస్తోంది. వచ్చే రెండు నుంచి మూడేళ్లలో స్థానిక భాషల్లో ఇవన్ని అందుబాటులోకి తీసుకురావాలని కేంద్ర ప్రభుత్వం భావిస్తోంది.
swarna boddula
Desk
