admin
యువతులు, మహిళలకు డ్రగ్స్ ఇచ్చి వారిపై లైంగిక దాడికి పాల్పడి ఆ ఆకృత్యాన్ని వీడియో రూపంలో చిత్రీకరించి వారిపై బెదిరింపులకు పాల్పడుతున్న వ్యవహారంలో యూట్యూబ్ మస్తాన్ సాయి (Masthan Sai) అరెస్టయిన విషయం తెలిసిందే. అయితే అతడిని పోలీసులు రిమాండ్ లోకి తీసుకున్నారు. ఈ క్రమంలో తాజాగా రిమాండ్ రిపోర్టులో పోలీసులు సంచలన విషయాలు పేర్కొన్నారు.
మస్తాన్, ఖాజాలకు డ్రగ్స్ పాజిటివ్
లావణ్య (Lavanya Masthan Sai Case)ను చంపేందుకు మస్తాన్ సాయి ప్లాన్ చేసినట్లు రిమాండ్ రిపోర్టులో పోలీసులు తెలిపారు. మస్తాన్ సాయి, అతడి స్నేహితుడు, యూట్యూబర్ ఖాజాకు డ్రగ్స్ పాజిటివ్ వచ్చినట్లు నిర్ధరణ అయినట్లు వెల్లడించారు. డ్రగ్స్ మత్తులో లావణ్య ఇంటికి మస్తాన్ సాయి వెళ్లి గొడవ చేశాడని.. అతడిపై ఎన్డీపీఎస్‌ సెక్షన్‌ను కూడా జోడించినట్లు చెప్పారు.
హార్డ్ డిస్కు కోసం లావణ్య మర్డర్ కు ప్లాన్
మస్తాన్ సాయి ల్యాప్‌టాప్‌లో ఉన్న లావణ్య వీడియోలను రాజ్‌తరుణ్‌ గతంలోనే తొలగించినా.. ఆలోపే ఇతర డివైస్‌లలోకి ఆ వీడియోలను మస్తాన్ సాయి కాపీ చేసుకున్నట్లు పోలీసులు రిమాండ్ రిపోర్టులో పేర్కొన్నారు. ఆమెతో పాటు ఇతర యువతుల వీడియోలున్న హార్డ్ డిస్కు (Mastan Sai Hard Disk)ను లావణ్య తీసుకోవడంతో ఆమెను చంపేందుకు పలు మార్లు మస్తాన్ సాయి యత్నించినట్లు తెలిపారు. గత నెల 30న లావణ్య ఇంటికి వెళ్లి హత్యాయత్నం చేసినట్లు పోలీసులు వివరించారు.
Desk
swarna boddula
