రైల్వేలో భారీ ఉద్యోగాలు.. 32,438 పోస్టుల భర్తీకి నోటిఫికేషన్​

రైల్వేలో ఉద్యోగం చేయాలనుకుంటున్నారా..? ఐతే మీకో శుభవార్త. తాజాగా రైల్వే శాఖ మీ కోసం ఓ తీపికబురు తీసుకువచ్చింది. 32,438 పోస్టుల భర్తీకి భారీ నోటిఫికేషన్ (Indian Railway Notification 2025) విడుదల చేసింది. టెన్త్, ఐటీఐ విద్యార్హత ఉన్న వారు ఈ పోస్టులకు దరఖాస్తు చేసుకోవచ్చు. గ్రూప్-డి లెవెల్-1 కేటగిరిలో వివిధ విభాగాల్లో ఈ పోస్టులు ఉన్నాయి. అర్హులు జనవరి 23 నుంచి ఫిబ్రవరి 22 వరకు దరఖాస్తు చేసుకోవచ్చు.

పదో తరగతి ఉత్తీర్ణత లేదా ఐటీఐ (ITI) లేదా తత్సమాన విద్యార్హత లేదా NCVT జారీ చేసిన నేషనల్ అప్రెంటిస్​షిప్ సర్టిఫికెట్ కలిగిన అభ్యర్థులు ఈ పోస్టులకు అర్హులని రైల్వే శాఖ అధికారులు తెలిపారు. ఇక అభ్యర్థుల వయస్సుజనవరి 1, 2025 నాటికి 18 నుంచి 36 ఏళ్ల మధ్య ఉండాలని చెప్పారు.

కంప్యూటర్ ఆధారిత పరీక్ష (CBT), ఎఫిషియెన్సీ టెస్ట్ (PT), డాక్యుమెంట్ వెరిఫికేషన్ (DV), మెడికల్ ఎగ్జామినేషన్ ఆధారంగా అభ్యర్థులను ఎంపిక చేయనున్నట్లు రైల్వే శాఖ ప్రకటించింది. ఇందులో ఎంపికైన వారికి నెలకు ప్రారంభ వేతనం రూ.18000 ఇవ్వనున్నట్లు పేర్కొంది. జనరల్, ఈడబ్ల్యూఎస్‌, ఓబీసీ కేటగిరీ అభ్యర్థులకు రూ.500. ఎస్సీ, ఎస్టీ, ESM, EBC, దివ్యాంగులు, మహిళా అభ్యర్థులకు రూ.250 దరఖాస్తు రుసుం చెల్లించాల్సి ఉంటుందని వివరించింది.

నోటిఫికేషన్ లో ముఖ్య వివరాలు ఇవే..

1. ఆన్‌లైన్ దరఖాస్తులు ప్రారంభం: 23.01.2025
2. ఆన్‌లైన్ దరఖాస్తుకు చివరి తేదీ: 22-02-2025
3. దరఖాస్తుల సవరణకు తేదీలు: ఫిబ్రవరి 25 నుంచి మార్చి 6 వరకు
4. ఆన్‌లైన్‌ దరఖాస్తు ప్రక్రియ జనవరి 23 నుంచి ఫిబ్రవరి 22వ తేదీ వరకు.

Online application ఇక్కడ క్లిక్ చేసి ఈజీగా దరఖాస్తు చేసుకోవచ్చు.