admin
తెలంగాణ రైతులకు పెట్టుబడి సాయం అందించడమే లక్ష్యంగా కాంగ్రెస్ ప్రభుత్వం రైతు భరోసా పథకం (Rythu Bharosa Scheme) అమలు చేస్తున్న విషయం తెలిసిందే. ఇందులో భాగంగా ఇప్పటి వరకు ఒక ఎకరం ఉన్న రైతుల ఖాతాల్లోకి నగదు జమ చేసింది. ఇక తాజాగా మూడు ఎకరాల వరకు లబ్ధిదారుల ఖాతాల్లోకి నగదు జమ చేయాలని నిర్ణయించింది. ఇందులో భాగంగా 3 ఎకరాల వరకు లబ్ధిదారులకు వెంటనే నిధులు మంజూరు చేయాలని ఉప ముఖ్యమంత్రి మల్లు భట్టి విక్రమార్క (Bhatti Vikramarka) సంబంధిత అధికారులను ఆదేశించారు.
3 ఎకరాలున్న వారికి రైతు భరోసా
ఆర్థిక శాఖ ప్రత్యేక ప్రధాన కార్యదర్శి రామకృష్ణారావు, వ్యవసాయ శాఖ ముఖ్య కార్యదర్శి రఘునందన్ రావు, డైరెక్టర్ గోపీతో ప్రజాభవన్లో సమావేశమైన భట్టి ఈ మేరకు ఆదేశాలు జారీ చేశారు. ఇప్పటి వరకు విడుదల చేసిన నిధులు (Rythu Bharosa Funds), వాటి వివరాల గురించి అధికారులను అడిగి తెలుసుకున్నారు. తాజాగా 3 ఎకరాలున్న వారికి నగదు జమ చేయాలని ఆదేశించారు. అంతే కాకుండా రైతు భరోసా పథకం కింద లబ్ధి పొందిన రైతుల వివరాలను గ్రామాల్లో ఫ్లెక్సీలు ఏర్పాటు చేయాలని అధికారులకు సూచించారు.
Desk
swarna boddula
