Desk
బాలీవుడ్ స్టార్ సల్మాన్ ఖాన్(Salman Khan), ఇతర తారలు పాల్గొనాల్సిన ప్రతిష్ఠాత్మక లండన్ ఈవెంట్ ‘Bollywood Big One’ వాయిదా పడింది. మే 4, 5 తేదీలలో లండన్(London)లో అట్టహాసంగా జరగాల్సిన ఈ కార్యక్రమాన్ని ప్రస్తుతానికి నిలిపివేస్తున్నట్లు నిర్వాహకులు నిర్ణయించారు. ఈ విషయాన్ని సల్మాన్ ఖాన్ స్వయంగా సోషల్ మీడియా(Social Media) వేదికగా వెల్లడించారు.
పహల్గామ్(Pahalgam Incident) ఘటన నేపథ్యంలో నెలకొన్న పరిస్థితుల కారణంగా ఈ నిర్ణయం తీసుకున్నట్లు తెలుస్తోంది. ప్రస్తుత క్లిష్ట పరిస్థితుల్లో అందరి క్షేమాన్ని దృష్టిలో ఉంచుకుని, ఈవెంట్‌ను వాయిదా వేయడమే సరైనదని భావించినట్లు సల్మాన్ ఖాన్ తన ప్రకటనలో పేర్కొన్నారు. లండన్‌లోని అభిమానులు ఈ ప్రదర్శన కోసం ఎంతో ఆసక్తిగా ఎదురుచూస్తున్నారని, ఈ వాయిదా(Postpone) నిర్ణయం వారిని నిరాశపరుస్తుందని తనకు తెలుసని ఆయన అన్నారు. ఈ సందర్భంగా అభిమానులందరికీ సల్మాన్ క్షమాపణలు(Apologies) తెలిపారు.
భారత ప్రజల భద్రత, శ్రేయస్సే మాకు ముఖ్యం
భారత ప్రజల భద్రత, శ్రేయస్సు తమకు అత్యంత ముఖ్యమని, అందుకే ఈ కఠిన నిర్ణయం తీసుకోవాల్సి వచ్చిందని సల్మాన్ వివరించారు. వీలైనంత త్వరలోనే ఈవెంట్ కొత్త తేదీల(New dates of the event)ను ప్రకటిస్తామని ఆయన హామీ ఇచ్చారు. వాస్తవానికి, ఈ ‘బాలీవుడ్ బిగ్ వన్’ కార్యక్రమంలో సల్మాన్ ఖాన్‌తో పాటు మాధురీ దీక్షిత్(Madhuri Deekshith), వరుణ్ ధావన్(Varun Dhawan), టైగర్ ష్రాఫ్, కృతి సనన్ వంటి పలువురు ప్రముఖ బాలీవుడ్ తారలు పాల్గొని ప్రదర్శనలు ఇవ్వనున్న సంగతి తెలిసిందే.
admin
swarna boddula
