admin
నాగర్‌కర్నూల్ జిల్లాలోని SLBC టన్నెల్లో రెస్క్యూ ఆపరేషన్‌(Rescue Operation) 18వ రోజు కొనసాగుతోంది. ఈరోజు రెస్క్యూ సిబ్బంది రోబో(Robo)లతో సహాయక చర్యలు చేపడుతున్నారు. ఇప్పటికే టన్నెల్లోకి హైదరాబాద్‌కు చెందిన ANVI Robotics బృందం వెళ్లింది. డేంజర్ జోన్‌లో రోబోలతో తవ్వే ప్రయత్నం చేశారు. క్యాడవర్ డాగ్స్(Cadaver Dogs) గుర్తించిన 2 చోట్ల తవ్వకాలు మొదలు పెట్టారు. కాగా.. సాయంత్రానికి గల్లంతైన వారిని గుర్తించి వెలికితీసే అవకాశం ఉంది. కేరళకు చెందిన క్యాడవర్ శునకాలు మృతదేహాల ఆనవాళ్లు పసిగట్టాయని రెస్క్యూ సిబ్బంది తెలిపారు.
మూడు ప్రాంతాలుగా విభజించి తవ్వకాలు
కాగా శ్రీశైలం ఎడమ కాలువ ప్రాజెక్టు (SLBC) టన్నెల్ నిర్మాణ సమయంలో 8 మంది మృత్యువాత పడిన సంగతి తెలిసిందే. ప్రస్తుతం టన్నెల్లో గౌరావ్ పెనిట్రేటింగ్ రాడార్ (GPR), క్యాడవర్ డాగ్స్ సాయంతో తవ్వకాలు కొనసాగుతున్నాయి. రాడార్, శునకాలు గుర్తించిన ప్రదేశాలను D1, D2, D3 ప్రాంతాలుగా విభజించి అక్కడ తవ్వకాలు చేపట్టారు అధికారులు. ఆదివారం నాడు డీ2 ప్రాంతంలో తవ్వకాలు జరిపిన రెస్క్యూ టీమ్స్ ఓ ఇంజినీర్ మృతదేహాన్ని వెలికితీశాయి.
తీవ్రంగా శ్రమిస్తున్న రెస్క్యూ టీమ్స్
ఈ ఆపరేషన్లో NDRF, SDRF, రెస్క్యూ టీమ్స్, పోలీసు విభాగం, ఫోరెన్సిక్, వైద్య బృందాలు తీవ్రంగా శ్రమిస్తున్నాయి. మిగిలిన వారు సొరంగం చిట్ట చివరి భాగం దగ్గర టీబీఎం కట్టర్ సమీపంలో చిక్కుకుని ఉండొచ్చని భావిస్తున్నారు. ప్రస్తుతం టన్నెల్లో టీబీఎం మెషీన్ కట్టింగ్, డీ వాటరింగ్ కొనసాగుతోంది. అయితే మట్టినాని ఉండటం, ఊట అధికంగా వస్తుండటంతో టన్నెల్ పై కప్పు మళ్లీ కూలే ప్రమాదం ఉందని రెస్క్యూ సిబ్బంది భయాందోళన చెందుతున్నారు.
Desk
swarna boddula
