admin
తెలంగాణలో గ్రూప్స్ పరీక్షలు(TG Groups Exams) రాసి ఎదురుచూస్తున్న అభ్యర్థులకు టెన్షన్ తీరే సమయం వచ్చేసంది. గత ఏడాది డిసెంబర్‌ 15, 16 తేదీల్లో రెండు రోజుల పాటు గ్రూప్-2 పరీక్షలు నిర్వహించిన కమిషన్ తాజాగా ఫలితాలను ప్రకటిస్తోంది. ఈక్రమంలోనే సోమవారం గ్రూప్-1 ఫలితాలను విడుదల చేసింది. ఇక నేడు (మార్చి 11)న గ్రూప్-2 రిజల్ట్స్‌ను విడుదల చేయనున్నట్లు TGPSC పేర్కొంది. కాగా మొత్తం 783 గ్రూప్-2 పోస్టులకు తెలంగాణ పబ్లిక్ సర్వీస్ కమిషన్ నోటిఫికేషన్ ఇచ్చిన విష‌యం తెల్సిందే.
మార్చి 20 లోపు అన్ని పోటీ పరీక్షల ఫలితాలు
గ్రూప్ 2 నోటిఫికేషన్ ద్వారా 783 పోస్టుల భర్తీకి రాష్ట్రవ్యాప్తంగా 1,368 కేంద్రాల్లో నిర్వహించిన రాత పరీక్షలకు 2,51,486 మంది అభ్యర్థులు హాజరయ్యారు. ఒక్కో పేపర్‌ 150 మార్కులతో.. 150 ఆబ్జెక్టివ్‌ టైప్‌ కొశ్చన్స్‌తో పరీక్ష నిర్వహించారు. కాగా వివిధ పోటీప‌రీక్ష‌లు రాసిన అభ్యర్థులు ఫలితాల కోసం నిరీక్షించకుండా TGPSC చర్యలు చేపట్టింది.
మార్చి 20వ తేదీ లోపు అన్ని పోటీ పరీక్షల ఫలితాలు వెల్లడిస్తామని ప్రకటించింది. అలాగే మార్చి 14వ తేదీన గ్రూప్-3, మార్చి 17వ తేదీన హాస్టల్ వెల్ఫేర్ ఆఫీసర్, మార్చి 19వ తేదీన ఎక్స్‌టెన్షన్ ఆఫీసర్ ఫలితాలను విడుదల చేస్తామ‌ని TGPSC తెలిపింది. కాగా అభ్యర్థులు అధికారిక వెబ్‌సైట్‌ https://www.tspsc.gov.in/ ద్వారా తమ ఫలితాలను చెక్‌ చేసుకోవచ్చు.
Desk
swarna boddula
