నేడే అకౌంట్లోకి “పీఎం కిసాన్​” డబ్బులు.. స్టేటస్​ ఇలా చెక్​ చేసుకోండి

Mana Enadu : ప్రపంచానికే అన్నపూర్ణగా భారతదేశాన్ని నిలబెడుతున్న అన్నదాతల అభివృద్ధికి కేంద్ర ప్రభుత్వం (Central Govt) కట్టుబడి ఉంది. ఈ నేపథ్యంలోనే రైతులను ప్రగతి బాటలో నడిపేందుకు ఎన్నో కార్యక్రమాలు తీసుకువస్తోంది. ఈ క్రమంలోనే కర్షకులకు పెట్టుబడి సాయం అందించే ఉద్దేశంతో కేంద్ర ప్రభుత్వం  పీఎం-కిసాన్‌ పథకం (PM Kisan Scheme) తీసుకొచ్చింది.

ఈ పథకం 18వ విడత నిధులు ఇవాళ (అక్టోబర్ 5వ తేదీన) విడుదల కానున్నాయి. ఈ స్కీమ్ ద్వారా మొత్తం 9 కోట్ల మంది పైగా రైతుల (Farmers)కు లబ్ధి చేకూరనుంది. మరి ఆ లబ్ధిదారుల్లో మీరున్నారా.. మీ అకౌంట్ లో డబ్బులు పడ్డాయో స్టేటస్ ఇలా ఈజీగా చెక్ చేస్కోండి.

స్టేటస్​ ఇలా ఈజీగా చెక్​ చేసుకోండి:

• www.pmkisan.gov.in వెబ్​సైట్​ ఓపెన్ చేయండి.
• ఓపెన్ కాగానే.. “Beneficiary List” ఆప్షన్​పై క్లిక్ చేయండి.
• మీ రాష్ట్రం, జిల్లా, మండలం, గ్రామం వివరాలను సెలెక్ట్​ చేయండి.
• లబ్ధిదారుల జాబితా కోసం ”Get Report” ఆప్షన్​పై క్లిక్ చేయండి.
• మీ గ్రామంలోని లబ్ధిదారుల పేర్లు అక్కడ కనిపిస్తాయి. అందులో మీ పేరు ఉందో? లేదో? చెక్​ చేసుకోండి.

మీ అకౌంటులో పీఎం కిసాన్ డబ్బులు పడ్డాయా లేదా ఇలా తెలుసుకోండి :

• ఇన్​స్టాల్​మెంట్ స్టేటస్​ చెక్​ చేసుకోవడానికి ఈ https://pmkisan.gov.in/ పోర్టల్​ ఓపెన్ చేయాలి.
• Know Your Status అనే ఆప్షన్​పై క్లిక్ చేయండి.
• రిజిస్ట్రేషన్ నంబర్​, క్యాప్చా కోడ్​ను ఎంటర్‌ చేయండి.
• రిజిస్ట్రేషన్​ వివరాలు లేకపోతే Know Your Registration Number పై క్లిక్​ చేస్తే మీ వివరాలు వచ్చేస్తాయి.
• Get OTPపై  క్లిక్​ చేస్తే మీ మొబైల్​కు ఓటీపీ వస్తుంది. ఆ కోడ్ ఎంటర్​ చేస్తే స్క్రీన్​పై మీ బెనిషియరీ స్టేటస్​ కనిపిస్తుంది.
• ఒకవేళ మీకు డబ్బులు పడలేదంటే మీరు ఈ – కేవైసీ చేయించలేదని అర్థం.

e-KYC ఇలా ఈజీగా చేసుకోండి :

పీఎం కిసాన్​ అధికారిక వెబ్​సైట్​ https://pmkisan.gov.in/ లోకి లాగిన్​ అవ్వగానే..  హోమ్​ పేజీలో కుడివైపున e-KYC ఆప్షన్​పై కనిపిస్తుంది. దానిపై క్లిక్ చేసి.. ఆధార్​ నెంబర్​ ఎంటర్​ చేయాలి. ఆ తర్వాత ‘Search’​ ఆప్షన్​పై క్లిక్​ చేస్తే.. మీ వివరాలు స్క్రీన్​ మీద డిస్​ప్లే అవుతాయి. ఓటీపీ సాయంతో ఈ ప్రక్రియ పూర్తి చేయొచ్చు.