adminManaEnadu: కార్తీక మాస(Karthika Masam) సందడి మొదలైంది. ఈనెల రోజులూ భక్తులు ఆ పరమశివుడి(Lord Shiva)కి విశేష పూజలు చేస్తుంటారు. ఈ మాసంలో శివ కేశవులను అత్యంత భక్తిశ్రద్దలతో పూజిస్తారు. ఏటా కార్తీక మాసం శుక్ల పక్ష శుద్ధ చవితి తిథిని నాగుల చవితి(Nagula Chavithi) పండగగా జరుపుకుంటారు. హిందువులు(Hindus) పాములను దేవతలుగా భావించి పుజిస్తారు. శివుడి మెడలో కంఠాభరణంగా, శ్రీ మహా విష్ణువు శయనించే శేష తల్పం నాగులుగా మన పురాణాలు పేర్కొన్నాయి. సనాతన ధర్మం(Sanatana Dharma)లో ప్రతి జీవిలో దైవం చూడమని పేర్కొంది. అలా ప్రకృతిలో భాగమైన చెట్లు, పక్షులను మాత్రమే కాదు ఆవు నుంచి నాగ పాము వరకూ అనేక రకాల జంతుజలాలను పుజిస్తారు. అలాంటి పండగలలో ఒకటి నాగుల చవితి. ఈ రోజున భక్తులు పుట్టలో పాలు పోసి తమని, తమ సంతానాన్ని చల్లగా చూడమంటూ నాగదేవతను వేడుకుంటారు.
పుట్టలో పాలు పోసేది ఇందుకే
నాగుల చవితి విశిష్టత అంతా పుట్టలో పాలు పోయడంలోనే ఉంది. ఈ పండుగ రోజున ఊరిలో ఉన్న దేవాలయాల్లో ఉన్న పాము పుట్టలో లేదా ఊరి బయట ఉన్న పుట్టలో పాలు పోస్తారు. పుట్టలో పాలు పోయడమనేది అనాదిగా వస్తున్న ఆచారం. పట్టణ, నగర ప్రాంతాల్లో కంటే గ్రామీణ ప్రాంతాల్లో నాగుల చవితి సందడి ఎక్కువగా ఉంటుంది. చవితి నాడు సర్పాలను పూజిస్తే సర్వరోగాలు, వైవాహిక జీవితంలో దోషాలు, గర్భదోషాలు(Miscarriages) పోయి ఆరోగ్యవంతులవుతారని భక్తులు(Devotees) విశ్వసిస్తారు.
ఉపవాసం ఇలా చేస్తే మంచిది
నాగుల చవితి ప్రధానంగా ఉపవాసాల(Fasting) పండుగ. ఈ రోజున భక్తులు ఉపవాసం ఉండి ఉదయాన్నే పుట్టలో పాలు పోసి, చలిమిడి, చిమ్మిరి వంటి పదార్థాలు నాగ దేవత(Naga Goddess)కు నైవేద్యంగా సమర్పించి అనంతరం ఇంటికి తిరిగి వచ్చి ఆ రోజంతా పూర్తి ఉపవాసం ఉంటారు. ముఖ్యంగా ఈ రోజు ఉడికించిన, వేడి చేసిన ఆహార పదార్థాలు తినరాదు. పచ్చి కూరగాయలు, వేడి చేయని పచ్చి పాలు, పళ్లు, పళ్లరసాలు వంటివి మాత్రమే తీసుకోవాలి. అంతేకాదు కార్తీక శుద్ధ చవితి రోజు చేసుకునే నాగుల చవతి పండుగ నాడు నాగదేవతలను పూజించడం వల్ల కుజదోషాలు(Kujadoshas) తొలగిపోవడం సహా కాలసర్ప దోషం వంటి దోషాలు కూడా తొలగిపోతాయని భక్తుల నమ్మకం.
Desk
swarna boddula
