adminఆంధ్రప్రదేశ్(Andhra pradesh)లోని పాఠశాల విద్యార్థులకు అలర్ట్. కూటమి ప్రభుత్వం తాజాగా ఓ కీలక నిర్ణయం తీసుకుంది. రాష్ట్ర వ్యాప్తంగా స్కూళ్ల టైమింగ్స్‌(school timings)లో మార్పులు చేస్తూ ఉత్తర్వులు జారీ చేసింది. అకడమిక్‌ క్యాలెండర్‌లో ఆప్షనల్‌గా ఉన్న సాయంత్రం 4 నుంచి 5 గంటల సమయాన్ని పాఠశాల విద్యాశాఖ(School Education Department) తప్పనిసరి చేసింది . ప్రస్తుతం రాష్ట్రంలో ఉన్నత పాఠశాలల పనివేళలు ఉదయం 9 నుంచి సాయంత్రం 4 వరకు ఉండగా.. దీన్ని 5 గంటల వరకు పెంచింది. అయితే తొలుత రాష్ట్ర వ్యాప్తంగా ప్రయోగాత్మకంగా ప్రతి మండలానికి రెండు (High School, High School Plus) స్కూళ్లలో ఈ విధానాన్ని అమలు చేయాలని నిర్ణయించింది.
తొలుత ఎంపిక చేసిన పాఠశాలల్లో అమలు
ఈ మేరకు ఎంపిక చేసిన పాఠశాల(In selected schools)ల్లో నవంబర్‌ 25 నుంచి 30 వరకు కొత్త టైమింగ్స్‌(New Timings)ను ఫాలో అవాల్సి ఉంటుంది. కేవలం సబ్జెక్టులు బోధించడానికి మాత్రమే గంట సమయం పొడిగించామని, మిగతా వెయిటేజీ(Weightage)లో మార్పులు ఉండవని విద్యాశాఖ అధికారులు ప్రకటించారు. దీంతో ఉదయం, మధ్యాహ్నం ఇచ్చే బ్రేక్‌ల సమయం 5 నిమిషాల చొప్పున.. భోజన విరామం 15 నిమిషాలు పెంచింది. ఉదయం మొదటి పీరియడ్‌ 5 నిమిషాలు పెంచి 50 నిమిషాలు చేశారు. అంతేకాదు ఆ తర్వాత 3 పీరియడ్లు ప్రస్తుతం 40 నిమిషాల చొప్పున ఉండగా వాటిని 45 నిమిషాలకు పెంచారు. అంతేకాదు మధ్యాహ్నం మొదటి పీరియడ్‌ను మార్చకుండా.. ఆ తర్వాత 3 పీరియడ్లు 45 నిమిషాలకు పెంచారు. ఈ మార్పులతో రోజులో స్కూల్ సమయం గంట పెరుగనుంది. ఈ ప్రయోగం అనంతరం ఈ నెల 30న పాఠశాల విద్యాశాఖ డైరెక్టరేట్‌(Directorate of School Education)కి అభిప్రాయాలు నివేదించాలని ఆయా పాఠశాల ప్రధానోపాధ్యాయులను ప్రభుత్వం ఆదేశించింది. ఆ ఫలితాలను బట్టి రాష్ట్ర వ్యాప్తంగా ఈ విధానాన్ని అన్ని పాఠశాలల్లో అమలు చేయనున్నట్లు పేర్కొంది.
పనివేళల మార్పు నిర్ణయంపై పునరాలోచించాలి
మరోవైపు ఉన్నత పాఠశాలల పని వేళల మార్పు నిర్ణయం(school timings)పై పునరాలోచించాలని ఏపీటీఎఫ్‌(Andhra Pradesh United Teachers Federation) అధ్యక్ష, ప్రధాన కార్యదర్శులు CV ప్రసాద్‌, రాధాకృష్ణ , CSTU రాష్ట్ర అధ్యక్షుడు, ప్రధాన కార్యదర్శులు జమాల్‌ రెడ్డి, ACV గురువా రెడ్డి కోరారు. 5KM పరిధి దూరం నుంచి వచ్చే విద్యార్థులు కొందరు ఉంటారు. వారంతా సాయంత్రం 5వరకు బడిలో ఉంటే ఆ తరువాత ఇళ్లకు చేరేందుకు ఇబ్బందులు ఎదురవుతాయని కొందరు అంటున్నారు. కాగా పాఠశాల విద్యాశాఖ నిర్ణయం(School Education Department)పై ఉపాధ్యాయు(Teachers)ల్లో భిన్నస్వరాలు వినిపిస్తున్నాయి. కొంతమంది స్వాగతిస్తుండగా, మరికొంతమంది వ్యతిరేకిస్తున్నారు.
swarna boddula
Desk
