మార్గశిర మాసం.. హిందువులకు ప్రత్యేకం

హిందువులకు అత్యంత పవిత్రమైన మాసం మార్గశిర మాసం. దీన్ని అన్ని మాసాల్లో కెల్లా అగ్రమైనదిగా భావిస్తారు. ఇది వార్షిక హిందూ క్యాలెండర్‌లో (hindu calender) తొమ్మిదవది కాగా నవంబర్-డిసెంబర్‌కు నెలలో వస్తుంది. కాగా ఈ మాసంలో అనేక ప్రత్యేకతలు ఉన్నాయి. ఇంటర్నేషనల్ సొసైటీ ఫర్ కృష్ణ కాన్షియస్‌నెస్ (ఇస్కాన్) మార్గశిర మాసాన్ని అత్యంత పవిత్రమైందిగా భావిస్తారు.

భగవద్గీత పుట్టిన నెల

ముఖ్యంగా గోదాదేవి, వెంకటేశ్వర స్వామి ఎక్కువగా పూజిస్తారు. తులసి పూజలు కూడా ఈ నెలలో ప్రత్యేకంగా చేస్తారు. శ్రీ మహా విష్ణువు (sri maha vishnu) పూజలు కూడా ఎక్కువగా చేస్తుంటారు. ఈనెలలోనే శ్రీకృష్ణుడు భగవద్గీత ను (bagavdgita) అర్జునిడికి భోదించాడు. కురుక్షేత్రంలో యుద్ధరంగంలో తన బంధువులను చూసి నేను యుద్ధం చేయలేనని అర్జునుడు చెప్పినపుడు శ్రీ కృష్ణుడు హితభోద చేసి అర్జునుడు యుద్ధం చేసేలా చేస్తాడు. భగవద్గీత ప్రవచనాన్నిలోకానికి అందిస్తాడు. ఈ సమయంలో ఏదైనా ఆధ్యాత్మిక కార్యకలాపంలో నిమగ్నమవడం వల్ల అనేక విధాల ప్రయోజనాలు లభిస్తాయి. గౌడీయ సంప్రదాయానికి చాలా ముఖ్యమైనది. భగవత్గీత 10వ అధ్యాయంలో శ్రీకృష్ణుడు ‘నేను మార్గశిరను’ అని చెప్పాడు. ఈ మాసమంతా భగవద్గీతకు అంకితం చేసిందిగా చెబుతారు.

ముంబయి మహాలక్ష్మి టెంపుల్ ప్రత్యేకత

ప్రతి గురువారాల్లో నిర్వహించే మార్గశిర్ష పూజకు (margashira puja) కూడా నెల సమయం తీసుకుంటారు. పూజ సమయంలో మహాలక్ష్మి దేవిని పూజిస్తారు. ముంబైలో మహాలక్ష్మి దేవాలయం (maha lakshmi temple ) మార్గశిర మాసంలో మహిళలు ప్రత్యేకంగా పూజలు చేస్తారు. మహాలక్ష్మీ పూజల కోసం ముంబయిలో హిందువులు ఈ నెల రోజుల పాటు మాంసం ముట్టరు. అత్యంత పవిత్రంగా భావిస్తారు. ఇక్కడ భద్రత కోసం పోలీసులు పటిష్ట చర్యలు తీసుకున్నారు.

సూర్యుడు ధనుస్సురాశిలోకి వెళ్లే కాలం..

పురాణాల ప్రకారం, హేమంత బుుతువులోని మొదటి నెలను మార్గశిరం అంటారు. ఈ మాసం గురించి శ్రీ క్రిష్ణ భగవానుడు (sri krishna) స్వయంగా వివరించినట్లు పండితులు చెబుతుంటారు. ఈ నెలలో చేసే పూజలు, యాగాలు, అభిషేకాలు, హోమాలతో భక్తి శ్రద్ధలతో ఎలాంటి దైవ కార్యం చేసినా అన్నింటినీ తానే స్వీకరిస్తాడని పురాణాల్లో ఉంది. ఈ మాసంలో శుద్ధ పాడ్యమి నుంచి నెలరోజుల పాటు శ్రీ మహా విష్ణువుకు (sri maha vishnu) ప్రత్యేక పూజలు చేస్తారు. సౌరమానాన్ని ధనుర్మాస కాలంగా, చంద్ర మానం ప్రకారం మార్గశిర కాలంగా పరిగణిస్తారు. ఈ సమయంలోనే గ్రహాలకు అధిపతి అయిన సూర్యుడు ధనస్సురాశిలోకి ప్రవేశిస్తాడు. ఈ సమయంలో శ్రీ హరికి ఆవు నెయ్యితో దీపారాధన చేసి, విష్ణు సహస్ర నామం, భగవద్గీత పారాయణం చేస్తారో వారికి విష్ణువు అనుగ్రహం లభిస్తుందని విష్ణు పురాణంలో వివరించబడింది.