admin
తమ పెట్టుబడులు(Investments) సేఫ్‌గా ఉండాలి అనుకునే చాలామంది ఫిక్స్‌డ్ డిపాజిట్లలో(Fixed Deposits) పొదుపు చేస్తుంటారు. కొన్ని స్మాల్‌ ఫైనాన్స్‌ బ్యాంకులు(Small Finance Banks) 9% వరకు వడ్డీ(Interest) ఆఫర్‌ చేస్తుండటంతో ఇందులో పొదుపు చేసేవారి సంఖ్య కూడా బాగా పెరుగుతోంది. అయితే ఈ FDలలో కూడా వివిధ రకాలు ఉంటాయి. వాటి గురించి ఇప్పుడు పూర్తిగా తెలుసుకుందాం. దీనివల్ల కొత్తగా FDలో ఇన్వెస్ట్(Invest) చేసేవారికి ఉపయోగకరంగా ఉంటుంది. ఫిక్స్‌డ్ డిపాజిట్లలో కొన్ని మీకోసం..
✦ పన్ను-ఆదా FD
ఈ తరహా FDలు దాదాపు అన్ని బ్యాంకు(Banks)ల్లో అందుబాటులో ఉంటాయి. వీటికి 5 సంవత్సరాల లాక్-ఇన్ పీరియడ్(Lock In Period) ఉంటుంది. ఈ మధ్యలో పెట్టుబడులను ఉపసంహరించుకునేందుకు వీలు ఉండదు. ఇందులో పెట్టుబడి మొత్తాన్ని ఒకేసారి డిపాజిట్(Deposite) చేయాల్సి ఉంటుంది. పెట్టుబడులపై సెక్షన్‌ 80C కింద ఏడాదికి రూ.1.50 లక్షల వరకు పన్ను మినహాయింపు పొందవచ్చు.
✦ స్టాండర్డ్ FD
ఏడు రోజుల నుంచి 10 సంవత్సరాల కాలపరిమితితో కూడిన Standard FDలు స్థిరమైన వడ్డీరేట్ల(Fixed Inerest)ను అందిస్తాయి. సాధారణ పొదుపు ఖాతా(Savings Account)తో పోలిస్తే ఇందులో వడ్డీ రేటు కాస్త ఎక్కువగా ఉంటుంది. గడువు ముగియక ముందే FD మొత్తాన్ని విత్‌డ్రా చేసుకుంటే.. పెనాల్టీ కట్టాల్సి ఉంటుంది. ఈ ఎఫ్‌డీపై రుణం, ఓవర్‌డ్రాఫ్ట్‌ సదుపాయం అందుబాటులో ఉంటుంది.
✦ సీనియర్ సిటిజన్‌ FD
ఈ FDల ద్వారా సీనియర్ సిటిజన్ల(Senior citizens)కు సాధారణ డిపాజిట్‌దారుల 0.25% నుంచి 0.75% వరకు అదనపు వడ్డీ లభిస్తుంది.
ఫ్లెక్సీ FD: మీకు నచ్చిన మొత్తంతో ఈ FD ఖాతాను తెరవొచ్చు. అలాగే, మీరు కావాల్సినప్పుడు ఈ మొత్తాన్ని విత్‌డ్రా చేసుకోవచ్చు. ఈ ఖాతాలో లిక్విడిటీ(Liquidity) ఎక్కువగా ఉంటుంది. పొదుపు ఖాతా కంటే ఎక్కువగానే వడ్డీ రేటు ఉంటుంది.
✦ కార్పొరేట్‌ FD
ఇందులో పొదుపు చేయడం కాస్త రిస్క్‌(Risk)తో కూడుకున్న పని. ఎందుకంటే ఇది ప్రైవేట్‌ సంస్థల(private companies) అధీనంలో ఉంటుంది. అయితే ఇందులో అధిక వడ్డీ రేటును ఆఫర్‌ చేస్తుంటారు.
✦ స్పెషల్‌ FD
నిర్దిష్ట కాలానికి మాత్రమే అందుబాటులో ఉండే FDలను స్పెషల్‌ FDలుగా పిలుస్తారు. బ్యాంకులు కొన్ని ప్రత్యేక సందర్భాల్లో మాత్రమే వీటిని ఆఫర్‌ చేస్తుంటాయి. స్టాండర్డ్ FDలతో పోలిస్తే వీటిపై ఇచ్చే వడ్డీ కాస్త ఎక్కువగా ఉంటుంది. పెట్టుబడులను మధ్యలోనే ఉపసంహరించుకునేందుకు వీలు ఉండదు.
✦ కుమ్యులేటివ్ FD
ఈ రకమైన FDల్లో పెట్టుబడి మొత్తంపై వచ్చిన వడ్డీని కాంపౌండింగ్ చేస్తారు. వడ్డీ మొత్తాన్ని మెచ్యూరిటీ సమయంలో చెల్లిస్తారు.
నాన్-కుమ్యులేటివ్ FD: క్రమమైన ఆదాయం కావాలనుకున్నవారికి నాన్-కుమ్యులేటివ్ FD అనుకూలంగా ఉంటుంది. ఎందుకంటే కాలవ్యవధి ప్రకారం వడ్డీ డబ్బు పొందొచ్చు.
Desk
swarna boddula
