ఓటీటీలోకి పుష్ప 2.. స్ట్రీమింగ్ ఎక్కడంటే?

అల్లు అర్జున్ (Allu Arjun) హీరోగా సుకుమార్ డైరెక్షన్ లో వచ్చిన మూవీ పుష్ఫ 2. బాహుబలి 2, కేజీఎఫ్ 2 తర్వాత యావత్ దేశం ఇంతలా ఎదురుచూసిన చిత్రం పుష్ప 2 అని చెప్పడంలో ఎలాంటి సందేహం అక్కర్లేదు. తొలి వారంలోనే దాదాపు రూ. 1000 కోట్ల వసూళ్లను సాధించి భారతీయ చలన చిత్ర చరిత్రలోనే అత్యంత వేగంగా ఈ ఫీట్‌ను సాధించిన చిత్రంగా నిలిచింది.

250 కోట్లకు నెట్ ఫ్లిక్స్ కొనుగోలు?
ఈ భారీ పాన్ ఇండియా (National Award Winner) మూవీ ఎప్పుడెప్పుడు ఓటీటీలో స్ట్రీమింగ్ అవుతుందా అని ఎదురు చూస్తున్నారు. భారత్‌లోనే మోస్ట్ అవైటెడ్ మూవీగా ఉన్న పుష్ప 2కి ప్రీ రిలీజ్ బిజినెస్ ఓ రేంజ్‌లో జరిగిన సంగతి తెలిసిందే. థియేట్రికల్, నాన్ థియేట్రికల్ రైట్స్ హాట్ కేకుల్లా అమ్ముడుపోగా మొత్తంగా రూ. 1000 కోట్లకు పైగా ప్రీ రిలీజ్ బిజినెస్ జరిగిందని ట్రేడ్ పండితులు చెబుతున్నారు. ఈ క్రమంలోనే పుష్ప 2 డిజిటల్ రైట్స్‌ను ఓటీటీ దిగ్గజం నెట్‌ఫ్లిక్స్ (Netflix) దాదాపు రూ. 250 కోట్లకు పైగా వెచ్చించి సొంతం చేసుకుందని ఇండస్ట్రీ వర్గాల టాక్.

జనవరి 9 నుంచి స్ట్రీమింగ్
మైత్రీ మూవీ మేకర్స్ (Mythri Movie Makers) కానీ, నెట్‌ఫ్లిక్స్ (Netflix) కానీ ఎక్కడా ఈ విషయాన్ని అధికారికంగా అనౌన్స్ చేయలేదు. పుష్ప ది రైజ్‌కి సంబంధించి అమెజాన్ ప్రైమ్ సంస్థ ఓటీటీ హక్కులను సంపాదించింది. అప్పట్లోనే రూ. 30 కోట్లు ఖర్చు చేసిందని టాక్. పుష్ప 1 బ్లాక్ బస్టర్ నేపథ్యంలో పుష్ప 2 డిజిటల్ హక్కుల కోసం అమెజాన్‌ (Amazon Prime) నెట్‌ఫ్లిక్స్ మధ్య పోటీ నెలకొంది. దీంతో కళ్లు చెదిరే మొత్తానికి నెట్‌ఫ్లిక్స్ పుష్ఫ 2 ఓటీటీ హక్కులను సొంతం చేసుకుందని ఫిలింనగర్ టాక్ . సాధారణంగా థియేటర్‌లోకి వచ్చిన 5 వారాలు లేదా 50 రోజుల తర్వాత ఎక్కువగా పెద్ద సినిమాలు ఓటీటీలో స్ట్రీమింగ్ అవుతుంటాయి. పుష్ప 2 క్రేజ్ , మార్కెట్ దృష్ట్యా ఈ సినిమా రెండు , మూడు నెలలు ఓటీటీలోకి రాకపోవచ్చని తొలుత కామెంట్స్ వినిపించాయి. కానీ నెట్‌ఫ్లిక్స్ ఊహించని విధంగా సర్‌ప్రైజ్ చేసింది. జనవరి 9 నుంచి పుష్ప 2 స్ట్రీమింగ్ అవుతుందని తెలిపినట్లు సమాచారం.