Desk
భారత్‌లో ఇంటర్నెట్ వినియోగం(Internet usage) పెర‌గ‌డంతో డిజిటల్ లావాదేవీలు(Digital transactions) కూడా భారీగా పెరిగాయి. ఆన్లైన్ చెల్లింపులు(Online Payments) చేయడానికి, స్వీకరించడానికి UPI పేమెంట్ విధానం అత్యంత ప్రజాదరణ పొందింది. ఈ సంవత్సరం యూపీఐ(Unified Payments Interface) పలు రికార్డులను కూడా సృష్టించింది. 2024 జనవరి నుంచి నవంబర్ నెలాఖరు వరకు మొత్తం 15,547 కోట్ల లావాదేవీలు జరిగితే రూ.223 లక్షల కోట్ల చెల్లింపులు జరిగాయని కేంద్ర ఆర్థిక మంత్రిత్వశాఖ తెలిపింది. ఇది దేశ ఆర్థిక పరివర్తనపై ప్రభావం చూపుతుంది’ అని పేర్కొంది.
ఇండియాలో 75% డిజిటల్ చెల్లింపులు
ప్రస్తుతం 7 దేశాల్లో యూపీఐ లావాదేవీలు జరుగుతున్నాయి. అందులో UAE, సింగపూర్, భూటాన్, నేపాల్, శ్రీలంక, ఫ్రాన్స్, మారిషస్ దేశాలు ఉన్నాయి. 2015లో RBI మద్దతుతో నేషనల్ పేమెంట్స్ కార్పొరేషన్ ఆఫ్ ఇండియా(NPCI) ప్రారంభమవగా.. అది ఇప్పుడు పేమెంట్ విధానంలో ఎన్నో విప్లవాత్మక మార్పులు తీసుకొచ్చింది. అక్టోబర్ 2023 నాటికి, INDIAలో మొత్తం రిటైల్ డిజిటల్ చెల్లింపుల్లో 75 శాతం UPI ద్వారా జరిగాయట. దేశవ్యాప్తంగా అందుబాటులో ఉన్న ఇంటర్నెట్ కారణంగా UPIని వేగంగా భారత ప్రజలు అందిపుచ్చుకున్నారు.
యూపీఐ లావాదేవీలలో 10 శాతం పెరుగుదల
కాగా యూపీఐ లావాదేవీలలో 10 శాతం పెరుగుదల క్రెడిట్ లభ్యతలో 7 శాతం పెరుగుదలకు దారితీసింది. 2024-25 ఆర్థిక సంవత్సరం మొదటి 7 నెలల్లో, రూపే క్రెడిట్ కార్డ్(RuPay Credit Card)పై UPI ద్వారా జరిపిన లావాదేవీలు ఇటీవల రెట్టింపు అయ్యాయి. ఈ ఏడాది APRIL నుంచి అక్టోబర్ వరకు రూ.63,825.8 కోట్ల విలువైన 750 మిలియన్ల UPI రూపే క్రెడిట్ కార్డ్ లావాదేవీలు జరిగాయి. అదే సమయంలో, FY 2024లో, UPI రూపే క్రెడిట్ కార్డ్ ద్వారా లావాదేవీల సంఖ్య 362.8 మిలియన్లు, దీని మొత్తం విలువ రూ. 33,439.24 కోట్లుగా కేంద్ర ఆర్థిక మంత్రిత్వ శాఖ(Union Ministry of Finance) తెలిపింది.
admin
swarna boddula
