ఆకాశంలో ‘బ్లాక్​ మూన్’.. ఎప్పుడు కనిపిస్తుంది అంటే?

Mana Enadu :  ఆకాశంలో అప్పుడప్పుడు అద్భుత దృశ్యాలు ఆవిష్కృతమవుతుంటాయి. ఇవాళ రాత్రి కూడా అలాంటి ఓ అద్భుతం సాక్షాత్కరించబోతోంది. ఇప్పటి వరకు మనకు చంద్రుడు తెల్లగా ఉంటాడన్న విషయం తెలుసు. అప్పుడప్పుడు రెడ్, ఎల్లో, పింక్ వంటి వర్ణాల్లో కనిపిస్తూ చేసే అద్భుతాలను చూశాం. కానీ ఇవాళ రాత్రి మాత్రం ఆకాశంలో నలుపు రంగులో చందమామ ఆవిష్కృతం కాబోతున్నాడు. ఈరోజు రాత్రి ఆకాశంలో బ్లాక్ మూన్ (Black Moon) కనిపించబోతోంది.

బ్లాక్​ మూన్​ ఎప్పుడు కన్పిస్తుంది?

US నావల్ అబ్జర్వేటరీ ప్రకారం డిసెంబర్ 30వ తేదీ ఆకాశంలో ‘బ్లాక్​ మూన్’ కనిపిస్తుంది. ఐరోపా, ఆఫ్రికా (Africa), ఆసియాలోని ప్రజలకు డిసెంబర్ 31న .. భారత్ (India Black Moom) లో  కూడా ‘బ్లాక్ మూన్’ను డిసెంబర్ 31వ తేదీ ఉదయం 3:57 గంటలకు చూడొచ్చని శాస్త్రవేత్తలు తెలిపారు. సూర్యుడు, చంద్రుడు ఒకే దిశలో సమాంతరంగా ఉన్నప్పుడు మూన్​.. భూమికి ప్రకాశవంతగా కన్పించదు. సూర్యునికి ఎదురుగా ఉండటం వల్ల దానిపై కాంతి పడదు. ఆ సమయంలో  ‘బ్లాక్​ మూన్’ ఏర్పడుతుందని అంటుంటారు. బ్లాక్ మూన్ ఏర్పడే రాత్రి నక్షత్రాలు, గ్రహాలను చూడటానికి ఈ రాత్రి చాలా అనుకూలంగా ఉంటుందని సైంటిస్టులు చెబుతుంటారు.

బ్లాక్​ మూన్ అంటే ఏంటి?

”ఒక నెలలో రెండో అమావాస్య సంభవించినప్పుడు ‘బ్లాక్ మూన్’ అనేది ఏర్పడుతుందని.. ప్రతి 29 నెలలకు ఒకసారి మాత్రమే వస్తుందని ఖగోళ శాస్త్రవేత్తలు తెలిపారు. ‘బ్లాక్​ మూన్’ పౌర్ణమితో వచ్చే ‘బ్లూ మూన్’​ను పోలి ఉంటుందని చెప్పారు. అయితే బ్లాక్ మూన్ అనగానే అంతా చంద్రుడు నల్లగా కన్పిస్తారనుకుంటారు. కానీ అలా ఏం జరగదు. చీకటి రాత్రి చంద్రునిలో కొంత భాగాన్ని మాత్రమే కనిపించేలా చేస్తుంది. తక్కువ కాంతిలో మనం నక్షత్రాలు, గ్రహాలు, సుదూర గెలాక్సీలను చూడగలం. బైనాక్యులర్ లేదా టెలిస్కోప్ ఉపయోగించి ఈ రాత్రంతా కన్పించే బృహస్పతి, సాయంత్రం ప్రకాశవంతంగా కనిపించే శుక్రుడు వంటి గ్రహాలను చూడొచ్చని” శాస్త్రవేత్తలు వెల్లడించారు.