జపాన్​లో భారీ భూకంపం.. సునామీ అలర్ట్ జారీ

జపాన్​ నైరుతి ప్రాంతంలో భారీ భూకంపం సంభవించింది. భూకంపం తీవ్రత రిక్టర్​ స్కేలుపై 6.9గా నమోదైంది. స్థానిక కాలమానం ప్రకారం సోమవారం రాత్రి 9.19 గంటలకు భూకంపం సంభవించినట్లు ఆ దేశ వాతావరణ సంస్థ ప్రకటించింది. భూకంపం కేంద్రం ఉన్న మియాజాకి ప్రిఫెక్చర్​, క్యూషు నైరుతి ద్వీపంతో పాటు కోచి ప్రిఫెక్చర్​ ప్రాంతానికి జపాన్ ప్రభుత్వం సునామీ హెచ్చరిక జారీ చేసింది. భూకంపం వల్ల ఆస్తి, ప్రాణ నష్టం ఎంత మేర జరిగిందనే దానికి మరిన్ని వివరాలు తెలియాల్సి ఉంది.