దారుణం.. అందరూ చూస్తుండగానే ఆటో డ్రైవర్ హత్య

స‌మాజం ఎటుపోతోంది? మ‌నం మ‌నుష‌ుల‌మేనా? అనిపిస్తోంది కొన్ని సంఘ‌ట‌న‌లు చూస్తుంటే. కారణం ఏదైనా కావొచ్చు కానీ, కళ్లముందే సాటి మనిషి ప్రాణాలు పోతుంటే అలా చూస్తూ ఊరుకోవడం ఎంతవరకు సమంజసం. నేటి ఇలాంటి దుస్థితి ఒకటి రేపు నీకూ ఎదురైతే? అప్పుడు ఏం చేస్తావ్. తాజాగా ఇలాంటి ఘటనే ఉమ్మడి వరంగల్ జిల్లాలోని హనుమకొండలో జరిగింది. ఆటో డ్రైవర్‌(auto driver)ను మరో డ్రైవర్ అందరూ చూస్తుండగా కత్తి(Knife)తో పొడిచి దారుణంగా హతమార్చాడు. ఇదంతా జరుగుతున్న ఒక్కరు కూడా ఆ దరిదాపుల్లోకి వచ్చి ఆపలేకపోయారు. ఏదో సినిమాలో చూస్తున్నట్లు చోద్యం చూస్తూ తమ మొబైల్ ఫోన్ల(Cell Phones)లో ఈ దారుణాన్ని చిత్రీకరిస్తూ నిమ్మకుండిపోయారు.

ప్రేమ వ్య‌వ‌హార‌మే కార‌ణం?

వివరాల్లోకి వెళితే హనుమకొండ(Hanumakonda)లోని అదాలత్ జంక్షన్ సమీపంలో డీమార్ట్ ఎదురుగా ఈ ఘటన చోటుచేసుకుంది. ఆటోడ్రైవ‌ర్లు మాచర్ల రాజ్ కుమార్‌(Macharla Raj Kumar), వెంక‌టేశ్వ‌ర్లు(Venkateshwarlu) క‌త్తుల‌తో దాడి చేసుకున్నారు. వీరిలో రాజ్‌కుమార్ అక్కడికక్కడే మృతిచెందాడు. మృతుడిది మడికొండ అని పోలీసులు తెలిపారు. మృతదేహాన్ని పోస్టుమార్టం నిమిత్తం ఎంజీఎంకు తరలించారు. అయితే, ఈ హ‌త్య‌కు ప్రేమ వ్య‌వ‌హార‌మే కార‌ణం కావొచ్చ‌ని పోలీసులు అనుమానం వ్య‌క్తం చేస్తున్నారు. ప్రస్తుతం దాడి చేసిన వెంక‌టేశ్వ‌ర్లును పోలీసులు అదుపులోకి తీసుకుని విచారిస్తున్నారు.

An auto driver was brutally killed in full public view on a busy main road in Hanumakonda. The motive behind the attack remains unclear, raising serious concerns about law and order in Telangana.#Hanumakonda #Police pic.twitter.com/3vxqVXFErC

— Subbu (@Subbu15465936) January 22, 2025