జేఈఈ మెయిన్‌ ప్రాథమిక కీ విడుదల

విద్యార్థులకు అలర్ట్. జేఈఈ మెయిన్‌ (JEE Main) తొలి విడత పేపర్‌-1 పరీక్షల ప్రాథమిక ‘కీ’ విడుదలైంది. జనవరి 22వ తేదీ నుంచి 29వ తేదీ వరకు ఈ పరీక్షలు జరిగాయి.  ఈ నేపథ్యంలో మంగళవారం రోజున ప్రాథమిక ‘కీ’ రిలీజ్ చేశారు. దీనిపై అభ్యంతరాలను ఈ నెల 6వ తేదీ రాత్రి 11.50 గంటల లోపు పంపవచ్చని జాతీయ పరీక్షల సంస్థ (NTA) తెలిపింది. విద్యార్థుల రెస్పాన్స్‌ షీట్లను వెబ్‌సైట్లో పెట్టినట్లు వెల్లడించింది.

295 మార్కులు రావొచ్చు

జనవరి 23వ తేదీన తొలి విడత భౌతిక శాస్త్రంలో ఒక ప్రశ్నను విరమించుకోగా, దానికి 4 మార్కులు కలపనున్నట్లు అధికారులు తెలిపారు. 28వ తేదీన సాయంత్రం ఈ విడతలోని భౌతికశాస్త్రంలో ఒక ప్రశ్నకు 2 సమాధానాలు మార్చినట్లు చెప్పారు. అందులో దేన్ని గుర్తించినా మార్కులు ఇస్తామని పేర్కొన్నారు. తెలుగు రాష్ట్రాల్లో గరిష్ఠంగా 295 వరకు మార్కులు రావొచ్చని జేఈఈ నిపుణులు అంచనా వేశారు. ఈ నెల 12వ తేదీలోపు పర్సంటైల్‌ స్కోర్‌ను వెల్లడిస్తామని ఎన్‌టీఏ గతంలోనే ప్రకటించిన విషయం తెలిసిందే.