admin
టాలీవుడ్ సూపర్ స్టార్ మహేష్ బాబు (Mahesh Babu) ప్రధాన పాత్రలో ఎస్ఎస్ రాజమౌళి ఓ సినిమా తెరకెక్కిస్తున్న విషయం తెలిసిందే. SSMB29 వర్కింగ్ టైటిల్ తో తెరకెక్కుతున్న ఈ సినిమా ప్రస్తుతం ఒడిశాలో షూటింగ్ జరుపుకుంటోంది. ఈ షెడ్యూల్ లో మహేశ్ బాబు, ప్రియాంకా చోప్రా (Priyanka Chopra), పృథ్వీరాజ్ సుకుమారన్ ల మధ్య సన్నివేశాలను జక్కన్న తెరకెక్కిస్తున్నారు. అయితే ఒడిశా మూవీ సెట్ నుంచి ఇప్పటికే కొన్ని ఫొటోలు, వీడియోలు లీక్ అయ్యాయి.
సెట్ లో రాజమౌళి ఆంక్షలు
SSMB29 నుంచి ఎలాంటి అప్డేట్స్ ఇవ్వకుండా సస్పెన్స్ మెయింటైన్ చేస్తున్న జక్కన్న(SS Rajamouli).. ఈ సినిమా ఫొటోలు లీక్ కావడంతో అలర్ట్ అయ్యాడు. ఈ నేపథ్యంలోనే షూటింగ్ సెట్ లో కఠిన ఆంక్షలు అమలు చేస్తున్నాడట. ఇప్పటికే టైట్ సెక్యూరిటీ ఏర్పాటు చేసిన రాజమౌళి సినిమా సీన్లు లీక్ (SSMB29 Photos Leak) కాకుండా కఠిన చర్యలు తీసుకుంటున్నాడట. అయితే ఈ సినిమా షూటింగులో పాల్గొంటున్న నటీనటులు, సిబ్బంది నుంచి మొబైల్ ఫోన్లు తీసుకున్న తర్వాతే వారిని సెట్లోకి అనుమతిస్తున్నాడట.
నయా రూల్ తో మైండ్ బ్లాక్
అంతేకాదు తాజాగా జక్కన్న సెట్లో మరో కొత్త రూల్ పెట్టాడట. ఈ రూల్ ప్రకారం నటీనటుల వ్యక్తిగత స్టాఫ్ లో ఒకరిద్దరిని మించి సెట్లోకి అనుమతించడం లేదట. మహేష్ బాబు, ప్రియాంకా చోప్రా, పృథ్వీరాజ్ సుకుమారన్ (Prithviraj Sukumaran) ఈ ముగ్గురూ ఆయా ఇండస్ట్రీల్లో స్టార్ నటులు. వారి వ్యక్తిగత స్టాఫ్ లో కనీసం 8 నుంచి 10 మంది సిబ్బంది ఉంటారు. అయితే జక్కన్న నయా రూల్ తో ఇప్పుడు కేవలం ఒకరిద్దరిని సెట్లోకి అనుమతిస్తుండటంతో సదరు స్టార్లు కాస్త ఇబ్బంది పడుతున్నారట. కానీ వాళ్లు రాజమౌళి రూల్ కు తలొంచక తప్పడం లేదు.
swarna boddula
Desk
