admin
గ్లోబల్ స్టార్ రామ్ చరణ్ (Ram Charan) పుట్టిన రోజు నేడు. ఈ సందర్భంగా ఆయనకు సోషల్ మీడియా వేదికగా బర్త్ డే విషెస్ వెల్లువెత్తుతున్నాయి. పలువురు సెలబ్రిటీలు, కుటుంబ సభ్యులు, అభిమానులు చెర్రీకి పుట్టిన రోజు శుభాకాంక్షలు తెలియజేస్తున్నారు. మరోవైపు చరణ్ బర్త్ డే సందర్భంగా RC16 మూవీ నుంచి మేకర్స్ క్రేజీ అప్డేట్స్ ఇచ్చారు. ఈ సినిమా ఫస్ట్ లుక్ పోస్టర్ విడుదల చేయడంతో పాటు టైటిల్ కూడా రివీల్ చేశారు.
అభిమానులకు ఇక పండగే
రామ్ చరణ్, బుచ్చిబాబు సాన కాంబోలో వస్తున్న ఈ చిత్రానికి ‘పెద్ది (Peddi)’ అనే టైటిల్ ఖరారు చేశారు. ఈ సందర్భంగా ఈ అప్డేట్ పై చెర్రీ తండ్రి, మెగాస్టార్ చిరంజీవి (Chiranjeevi) స్పందించారు. రామ్చరణ్ పుట్టినరోజును పురస్కరించుకొని ఆయన ప్రత్యేకంగా విషెస్ తెలిపారు. పోస్టర్లో చరణ్ లుక్ చాలా అద్భుతంగా ఉందని ఆయన ప్రశంసించారు. ఇది తప్పకుండా సినీ ప్రియులకు ఇది ఒక మంచి ట్రీట్ అవుతుందని చెప్పారు.
Happy Birthday
My dear @AlwaysRamCharan !💐💐 Many Many Happy Returns!! 🤗 #Peddi looks very intense and I am sure it will bring out a new dimension of the Actor in you and will be a feast for Cinema lovers and Fans!! Bring it on!!! 😍— Chiranjeevi Konidela (@KChiruTweets) March 27, 2025
ఇంటెన్స్గా పెద్ది
‘‘హ్యాపీ బర్త్డే మై డియర్ చరణ్. ‘పెద్ది’ చాలా ఇంటెన్స్గా కనిపిస్తుంది. నీలోని నటుడిని మరో కొత్త కోణంలో ఇది ఆవిష్కరించనుంది. అభిమానులకు ఇది కనులపండుగ కానుందని నమ్ముతున్నాను’’ అంటూ చిరంజీవి ఎక్స్ వేదికగా పోస్టు పెట్టారు. స్పోర్ట్స్ నేపథ్యంలో ‘పెద్ది’ సినిమా రూపొందుతున్న విషయం తెలిసిందే. బుచ్చిబాబు (Buchibabu Sana) తెరకెక్కిస్తున్న ఈ సినిమాలో బాలీవుడ్ బ్యూటీ జాన్వీకపూర్ (Janhvi Kapoor) కథానాయికగా నటిస్తోంది. ప్రస్తుతం ఇది చిత్రీకరణ దశలో ఉంది. జగపతిబాబు, శివరాజ్ కుమార్, దివ్యేందుకు కీలక పాత్రల్లో కనిపించనున్నారు.
swarna boddula
Desk
