admin
మంచు కుటుంబం (Manchu Family Dispute) వివాదం మరోసారి వార్తలకు ఎక్కింది. తన కారు పోయిందని మంచు మనోజ్ (Manchu Manoj) మంగళవారం పోలీసులకు ఫిర్యాదు చేశాడు. ఇదంతా తన సోదరుడు విష్ణు చేయిస్తున్నారని ఆరోపిస్తూ .. బుధవారం ఉదయం జల్‌పల్లిలోని మోహన్ బాబు నివాసం వద్దకు చేరుకున్నాడు. లోపలికి వెళ్లేందుకు గేటు తీయకపోవడంతో గేటు బయట భైఠాయించి నిరసన తెలియజేశాడు. అనంతరం మీడియాతో మాట్లాడుతూ.. మనోజ్ విష్ణుపై సంచలన ఆరోపణలు చేశాడు. ఈ క్రమంలో ఒకింత భావోద్వేగానికి గురయ్యాడు.
“#ManchuVishnu మనుషులు వచ్చి మా పాప నగలు వస్తువులు ఎత్తుకెళ్లి పగలగొట్టారు, నా కారు నా వైఫ్ కారు ఎత్తుకెళ్లి ఎక్కడో వదిలేసారు వాటిని…” – #ManchuManoj pic.twitter.com/Uo02yC4FQQ
— Daily Culture (@DailyCultureYT) April 9, 2025
విష్ణు కోసం గొడ్డు చాకిరీ చేశా
మనోజ్ మీడియాతో మాట్లాడుతూ.. తన ఫ్యామిలీ నుంచి ఇప్పటి వరకు ఒక్క రూపాయి తీసుకోలేదని తెలిపాడు. బయట ప్రొడెక్షన్‌లో హిట్‌ కొడితే ఆ డబ్బు తీసుకొచ్చి సొంత నిర్మాణ సంస్థలో సినిమా చేయాల్సిందేనని హుకుం జారీ చేసే వారని చెప్పాడు. తన సోదరుడు మంచు విష్ణు (Manchu Vishnu) కెరీర్‌ నిలబెట్టడం కోసం తాను లేడీ గెటప్‌ కూడా వేశానని గుర్తు చేశాడు మనోజ్. వాళ్ల కోసం ఎంతో గొడ్డు చాకిరీ చేసినా ఎందుకిలా ప్రవర్తిస్తున్నారో అర్థం కావడం లేదని వాపోయాడు. ‘కన్నప్ప(Kannappa)’కు పోటీగా ‘భైరవం’ విడుదల చేద్దామనుకుంటే.. టెన్షన్‌ పడిపోయి కన్నప్ప వాయిదా వేసుకున్నాడని మనోజ్ పేర్కొన్నాడు. ఆ కోపం ఎలా తీర్చుకోవాలో తెలియక ఇదంతా చేస్తున్నాడని విష్ణుపై ఆరోపణలు చేశాడు.
నేను ఆస్తి కోసం రాలేదు
“మాది ఆస్తి గొడవ కాదు. విద్యార్థుల ఫ్యూచర్ కోసమే నేనీ పోరాటం చేస్తున్నాను. డిసెంబర్ నుంచి గొడవలు జరుగుతున్నాయి. నేను ఇప్పటికే పలుమార్లు పోలీసులకు ఫిర్యాదు చేశాను. అయినా ఒక్క కంప్లైట్ కూడా రిజిస్టర్ చేయలేదు. కత్తులు, గన్ లతో రౌడీలు దాడి చేసేందుకు వచ్చారని సాక్ష్యాలతో సహా ఫిర్యాదు చేసినా పట్టించుకోవడం లేదు. నా తండ్రి ఇంట్లో నా పెంపుడు జంతువులు, ఇతర వస్తువులు ఉన్నాయి. వాటి కోసమే నేను వచ్చాను. నేను తప్పు చేశానని, ఆస్తి అడిగానని ఒక్క సాక్ష్యం బయటపెట్టండి అప్పుడు నేనందరి కాళ్లపై పడి క్షమించమని కోరతాను.” అని మంచు మనోజ్ అన్నాడు.
Desk
swarna boddula
