admin
కార్మికులకు సింగరేణి యాజమాన్యం కీలక నిర్ణయం తీసుకుంది. తీవ్ర కాలేయ వ్యాధి (Liver cirrhosis) బారిన పడిన సింగరేణి కార్మికులకు 50% వేతనంతో ప్రత్యేక సెలవు(Special leave with pay) మంజూరు చేయనున్నట్లు సింగరేణి యాజమాన్యం(Singareni Collieries Company Limited) ఉత్తర్వులు జారీ చేసింది. ఇప్పటి వరకు ఈ వెసులుబాటును 7 తీవ్ర వ్యాధులకు మాత్రమే వర్తింపజేస్తున్నారు. గుండె జబ్బు, క్షయ, క్యాన్సర్, కుష్టు, పక్షవాతం, మూత్ర కోశ వ్యాధులు, ఎయిడ్స్, మెదడు వ్యాధులుకు ఈ స్పెషల్ లీవ్ ఇస్తున్నారు.
కోలుకునేంత వరకూ ఇవ్వాలని నిర్ణయం
కాగా ఇటీవల కోల్ ఇండియా(Coal India) స్థాయిలో జరిగిన NCWA 11వ వేతన ఒప్పందంలో లివర్ సిరోసిస్ (తీవ్ర కాలేయ వ్యాధి) బాధితులకు కూడా స్పెషల్ లీవ్(Special Leave) వర్తింపచేయాలని నిర్ణయించడంతో సింగరేణి యాజమాన్యం(SCCL Management) ఈ మేరకు నిర్ణయం తీసుకుంది. తీవ్ర కాలేయ వ్యాధికి గురైన కార్మికునికి స్పెషల్ లీవు మంజూరు చేయవచ్చని, వ్యాధి నయమై, విధులకు ఫిట్ అయ్యేంతవరకు అతనికి 50 శాతం వేతన మొత్తం (బేసిక్ పే, VDA, SDAలో 50%) చెల్లించనున్నారు.
Desk
swarna boddula
