Desk
తమిళ, తెలుగు సినీ పరిశ్రమల్లో సూపర్ స్టార్ రజనీకాంత్(Rajinikanth)కు ఉన్న క్రేజ్ గురించి ప్రత్యేకంగా చెప్పనక్కర్లేదు. ప్రస్తుతం ఆయన లోకేశ్ కనగరాజ్(Lokesh Kanagaraj) దర్శకత్వంలో ‘కూలీ(Kooli)’ చిత్రంలో నటిస్తున్నారు. ఈ సినిమా చిత్రీకరణ దాదాపు చివరి దశకు చేరుకుందని, రజనీకాంత్ తన పాత్రకు సంబంధించిన షూటింగ్ పూర్తి చేసుకున్నారని సమాచారం. దీనితో పాటు, నెల్సన్ దిలీప్ కుమార్ దర్శకత్వంలో రానున్న ‘జైలర్ 2(Jailer-2)’ షూటింగ్‌లో కూడా ఆయన పాల్గొంటున్నారు. ఇలా వరుస సినిమాలతో బిజీబిజీగా ఉన్న టైంలోనే ఆయన సినీ రిటైర్మెంట్(Cinema retirement) వార్తలు తెరపైకి వచ్చాయి.
ఇటీవల సూపర్ స్టార్ రజినీకాంత్ సినిమాల నుంచి తప్పుకుంటారనే ఊహాగానాలు సినీ వర్గాల్లో జోరుగా వినిపిస్తున్నాయి. ప్రస్తుతం ‘కూలీ’, ‘జైలర్ 2’ వంటి ప్రతిష్ఠాత్మక ప్రాజెక్టులతో బిజీగా ఉన్న తరుణంలో ఈ వార్తలు ప్రాధాన్యత సంతరించుకున్నాయి. దీంతో రజనీ ఫ్యాన్స్(Fans) ఆందోళనకు గురయ్యారు. ఈ నేపథ్యంలో, రజనీకాంత్ సతీమణి లత రజనీకాంత్(Latha Rajinikanth) తాజాగా ఈ రూమర్స్‌పై స్పందించారు.
ఆ సమాధానం నాకు తెలిస్తే బాగుండేది..
ఇటీవల ఓ ఇంటర్వ్యూలో పాల్గొన్న లతను మీ భర్త సినిమాల నుంచి విరామం తీసుకునే ఆలోచనలో ఉన్నారా? అనే ప్రశ్న ఎదురైంది. ఇందుకు లత బదులిస్తూ, “ఆ ప్రశ్నకు సమాధానం నాకు తెలిస్తే బాగుండేది. తెలిస్తే కచ్చితంగా మీకు చెప్పేదాన్ని” అని అన్నారు. ఆమె నేరుగా సమాధానం ఇవ్వకపోవడంతో, రజనీకాంత్ భవిష్యత్ ప్రణాళికల(Rajinikanth’s future plans)పై నెలకొన్న సందిగ్ధత ప్రస్తుతానికి కొనసాగుతూనే ఉంది.
admin
swarna boddula
