MI vs DC: సూర్యకుమార్ మెరుపులు.. ప్లేఆఫ్స్‌లో ముంబై

IPL2025లో తుది నాలుగు జట్లు ఏవో తెలిసిపోయింది. బుధవారం రాత్రి ఢిల్లీ క్యాపిటల్స్‌(DC)పై ముంబై ఇండియన్స్(MI) ఘన విజయం సాధించడంతో ముంబై టాప్-4లోకి దూసుకెళ్లింది. అటు ఈసారి ఎలాగైనా టైటిల్ నెగ్గాలనుకున్న క్యాపిటల్స్‌కు నిరాశే మిగిలింది. దీంతో టాప్-4లో గుజరాత్, బెంగళూరు, పంజాబ్, ముంబై ఉన్నాయి. ఇక వీటిలో టాప్-2 కోసం పోరు ఈ నాలుగు జట్లు పోటీ పడనున్నాయి.

కేవలం 43 బంతుల్లో 73 రన్స్

కాగా ముంబై వాంఖడే వేదికగా జరిగిన మ్యాచులో టాస్ ఓడి తొలుత బ్యాటింగ్ చేసిన ముంబై నిర్ణీత 20 ఓవర్లలో 5 వికెట్ల నష్టానికి 180 పరుగులు చేసింది. సూర్యకుమార్ మెరుపు ఇన్నింగ్స్ ఆడాడు. కేవలం 43 బంతుల్లో 73 రన్స్ చేశాడు. రికెల్టన్ 25, జాక్స్ 21, తిలక్ 27, నమన్ 24 రన్స్ చేశారు. రోహిత్ 5 నిరాశపర్చాడు. ఢీసీ బౌలర్లలో ముకేశ్ 2, చమీర, ముస్తాఫిజర్, కుల్దీప్ తలో వికెట్ తీశారు.

ఘోరంగా ఓడి ఇంటిదారి పట్టింది

అనంతరం 181 పరుగుల లక్ష్యాన్ని ఛేదించే క్రమంలో ఢిల్లీ బ్యాటర్లు దారుణంగా విఫలమయ్యారు. సమీర్ రిజ్వీ 39 రన్స్ మినహా మిగతా వారంతా చెప్పుకోదగ్గ స్కోరు చేయలేదు. రాహుల్ 11, డుప్లెసిస్ 6, పొరేల్ 6, నిగమ్ 20, అశుతోశ్ 18 విఫలమయ్యారు. దీంతో 18.2 ఓవర్లలో 121 పరుగులకే కుప్పకూలి 59 పరుగుల తేడాతో ఓడి ఇంటిదారి పట్టింది. ఇక ఐపీఎల్‌లో భాగంగా గురువారం గుజరాత్ టైటాన్స్ వర్సెస్ లక్నో సూపర్ జెయింట్స్ మధ్య మ్యాచ్ జరగనుంది.

ONE OF THE MOST ICONIC MATCHES:

DC before this match – 4 wins, 0 loss.

MI before this match – 1 wins, 4 loss.pic.twitter.com/I5RYGgdNTM

— Mufaddal Vohra (@mufaddal_vohra) May 21, 2025