Sreeleela: నిశ్చితార్థమా అంతా తూచ్​.. అసలు విషయం చెప్పిన శ్రీలీల

నటి శ్రీలీల (Sreeleela) ఇంట్లో జరిగిన వేడుక నెట్టింట్లో హాట్​ టాపిక్​గా మారిన విషయం తెలిసిందే. ఇన్​స్టా వేదికగా శుక్రవారం నటి కొన్ని ఫొటోలు షేర్‌ చేసింది. అయితే అందులో శ్రీలీలను ముస్తాబు చేసి ఆమెకు పసుపు పూయడం, ఆ వేడుకలు చూసిన నెటిజన్లు ఆమె సైలెంట్​గా నిశ్చితార్థం చేసుకుందని, త్వరలో పెళ్లి పీటలెక్కనుందంటూ చర్చించుకున్నారు. ఈ నేపథ్యంలోనే ఈ వార్తలపై ఆమె స్పష్టతనిచ్చారు. అవి తన బర్త్​డే ముందస్తు వేడుకలని వివరించింది.

ప్లానింగ్ అంతా మా అమ్మే చూసుకుంది: శ్రీలీల

‘‘నా ప్రీ బర్త్‌డే (pre birthday) వేడుకలను ఇంట్లోనే మేము ఈ విధంగా సెలబ్రేట్‌ చేసుకున్నాం. దీనికి సంబంధించిన ప్లానింగ్‌ అంతా మా అమ్మ చూసుకున్నారు’’ అని ఆమె ఇన్​స్టాలో రాసుకొచ్చారు. ఈ వేడుకల్లో రానా సతీమణి మిహిక కూడా పాల్గొన్నారు. ఇందులో శ్రీలీల చీరకట్టులో కనిపించారు. జూన్‌ 14న ఆమె 24వ పుట్టినరోజు చేసుకోనుంది.

#Sreeleela Pre-Birthday Celebrations ❤️🫶#Sreeleela #Sreeleelafans pic.twitter.com/FwMg97w6Zm

— Cinema Filters (@siri_cinema) June 1, 2025

దక్షిణాదితోపాటు బాలీవుడ్‌లోనూ సినిమాలు చేస్తూ జోరుమీదుంది శ్రీలీల. ఈ క్రమంలోనే శుక్రవారం సాయంత్రం ఆమె ఇన్‌స్టా స్టోరీస్‌లో కొన్ని ఫొటోలు షేర్‌ చేసింది. ‘బిగ్‌ డే’, ‘కమింగ్‌ సూన్‌’ అనే క్యాప్షన్‌ జత చేశారామె. వాటిని చూసిన నెటిజన్లు ఆమెకు నిశ్చితార్థం జరిగి ఉంటుందని భావించారు. ఈనేపథ్యంలోనే వాటికి చెక్​ పెడుతూ స్పందించింది.